Պերեսի հուղարկավորությունը նշանակված է սեպտեմբերի 30-ին
ԵՐԵՎԱՆ, 28 ՍԵՊՏԵՄԲԵՐԻ, ԱՐՄԵՆՊՐԵՍ: Իսրայելի նախկին նախարար Շիմոն Պերեսի հուղարկավորությունը նշանակված Է սեպտեմբերի 30-ին: Այդ մասին, ինչպես տեղեկացնում Է «Արմենպրես»-ը, հայտնել Է Haaretz թերթը:
Իր հերթին Իսրայելի հեռուստատեսության երկրորդ ալիքը հայտնել Է, որ հրաժեշտի պետական արարողությունը տեղի կունենա սեպտեմբերի 29-ին:
Ավելի վաղ նախկին նախագահի մահվան մասին Թել Ավիվի մերձակա «Թել խա Շոմեր» կլինիկայում կայացած մամուլի ասուլիսում հայտնել Է նրա որդին: «Այսօր խորը ցավով մենք հրաժեշտ ենք տալիս մեր հորը՝ Իսրայել Պետության իններորդ նախագահին»,- ասել Է Նեհեմիա Պերեսը:
Իսրայելի նախկին նախագահ եւ վարչապետ Շիմոն Պերեսը 93 տարեկան հասակում վախճանվել Է երկու շաբաթ առաջ տարած ուղեղի կաթվածից հետո: Պերեսը հոսպիտալացվել Էր թրոմբի պատճառով ուղեղի արյունազեղումից հետո: Նրա վիճակը բժիշկները գնահատել Էին՝ ծանր, բայց կայուն: Սեպտեմբերի 27-ին բժիշկները նշել են լուրջ վատացում: Նա վախճանվել Է իր ընտանիքի շրջապատում:
Պերեսն Իսրայելում զբաղեցրել Է գրեթե բոլոր գլխավոր պետական պաշտոնները. նա երկու ժամկետ աշխատել Է վարչապետի պաշտոնում, ինչպես նաեւ մի քանի անգամ գլխավորել Է Իսրայելի պաշտպանության նախարարությունը, ֆինանսների նախարարությունը, կապի նախարարությունը, ԱԳՆ-ն, ՆԳՆ-ն եւ այլ գերատեսչություններ: 2007 թվականից մինչեւ 2014 թվականը Պերեսն զբաղեցրել Է երկրի նախագահի պաշտոնը:
1994 թվականին նա արժանացել Է Խաղաղության նոբելյան մրցանակի՝ Օսլոյի հաշտության բանակցություններում ունեցած դերի համար, որոնք իշխանությունը Պաղեստինյան Ինքնավարության քաղաքացիական իշխանությանը հանձնելու գործընթացի սկիզբը դրեցին, հաղորդել Է ՏԱՍՍ-ը:
Լուսանկարը` EPA