ԵՐԵՎԱՆ, 26 ՄԱՅԻՍԻ, ԱՐՄԵՆՊՐԵՍ: Մեծ Բրիտանիայում ուսանողների ինքնասպանությունների թիվը հասել Է 2007 թվականից ի վեր առավելագույն ցուցանիշին: Այդ մասին վկայում են ազգային վիճակագրական ծառայության տվյալները, տեղեկացնում Է «Արմենպրես»-ը՝ հղում անելով BBC-ին:

2014 թվականին Անգլիայում եւ Ուելսում 130 ուսանողներ, որոնք սովորում Էին բուհերի ցերեկային բաժանմունքներում, իրենց կյանքին վերջ են տվել ինքնասպանությամբ: Դրա հետ մեկտեղ ճշտվում Է, որ կյանքի հետ իրենց հաշիվները մաքրել են 97 պատանիներ եւ 33 աղջիկներ:

2013 թվականին ամբողջ Բրիտանիայում սուիցիդի 100 դեպք Է գրանցվել ուսանողների շրջանում: 2010 թվականին այդ ցուցանիշը նույնպես բարձր Է եղել. ինքնասպանություն են գործել 127 ուսանողներ: 

Անցյալ շաբաթ հաղորդվել Է, որ համալսարաններում եւ ուսանողական ավաններում շտապօգնության բոլոր կանչերի կեսը կապված Է եղել ինքնասպանության կամ իրենց խեղանդամ անելու փորձերի հետ:

Հիմնական գործոնների թվում, որոնք երիտասարդ բրիտանացիներին դրդում են ինքնասպանության, նշում են սթրեսը, որին սովորողները ենթարկվում են քննությունների ժամանակ, ինչպես նաեւ ֆիզիկական արատները:  

Ինքնասպանությունը Մեծ Բրիտանիայում մնում Է մինչեւ 35 տարեկան երիտասարդների մահվան հիմնական պատճառը:

Երկրի Ազգային վիճակագրական ծառայությունը 2007 թվականից ի վեր ուսանողների շրջանում ինքնասպանությունների թվի հետ կապված իրադրության դիտարկումներ Է կատարում: 

Եթե խոսելու լինենք բոլոր տարիքային խմբերի մասին, ապա երիտասարդների շրջանում ինքնասպանություններն ամենաքիչն են: Սակայն դրանց թիվն աճում Է այն դեպքում, երբ տարիքային մյուս խմբերում ինքնասպանությունների թիվը նվազում Է: Երկրի Ազգային վիճակագրական ծառայության տվյալների համաձայն՝ 2014 թվականին Միացյալ Թագավորությունում ինքնասպանությունների թվաքանակն ավելի փոքր Է եղել, քան 2004, 1994 եւ 1984 թվականներին: