Վիեննայում քրդերը բողոքի ակցիա են կազմակերպել
ԵՐԵՎԱՆ, 11 ՓԵՏՐՎԱՐԻ, ԱՐՄԵՆՊՐԵՍ: Ավստրիայում բնակվող քրդերը Վիեննայում քայլերթ են սկսել՝ պահանջելով Թուրքիայի իշխանություններից ազատ արձակել քրդերի առաջնորդ Աբդուլլահ Օջալանին: Ինչպես հաղորդում է «Արմենպրես»-ը, այս մասին տեղեկացնում է «Ֆըրաթ» գործակալությունը:
Քայլերթի մասնակիցները դատապարտել են Թուրքիայի քրդաբնակ նահանգներում թուրքական զինված ուժերի գործողությունները: Նրանք իրենց ձեռքերում պահել են Օջալանի լուսանկարը, ինչպես նաև տարբեր գրություններով պաստառներ, որոնցով զորակցություն են հայտնել Թուրքիայում բնակվող քրդերին:
Կարծիքներ
Հարցազրույցներ
Փաստ մեկնաբանությամբ