ԵՐԵՎԱՆ, 9 ՓԵՏՐՎԱՐԻ, ԱՐՄԵՆՊՐԵՍ: Իրանի հետ Վրաստանի անայցագիր ռեժիմը, որը վրացական կողմը ժամանակավորապես դադարեցրել Էր 2013 թվականի հուլիսի 1-ին, ամբողջովին կվերականգնվի փետրվարի 15-ին: Այդ մասին, ինչպես տեղեկացնում Է «Արմենպրես»-ը, հաղորդել Է Վրաստանի ԱԳ նախարարության մամուլի ծառայությունը:

Այցագրերի առաջիկա չեղարկման մասին հայտնի Է դարձել Վրաստանի արտաքին գործերի փոխնախարար Դավիթ Ջալաղանիայի եւ Իրանի դեսպան Աբաս Թալեբի-ֆարի հանդիպման ընթացքում:

Հանդիպմանը վրացական կողմն իրանցի դիվանագետներին պաշտոնապես ծանուցել Է 2016 թվականի փետրվարի 15-ից Իրանի հետ անայցագիր ռեժիմը վերականգնելու Վրաստանի կառավարության որոշման մասին:

Իրանի քաղաքացիներն առանց այցագրի Վրաստանի տարածքում կկարողանան գտնվել 45 օր՝ ժամանման պահից: