ԵՐԵՎԱՆ, 5 ՓԵՏՐՎԱՐԻ, ԱՐՄԵՆՊՐԵՍ: Ճապոնիայի հարավի Կագոսիմայի նահանգում սկսվել Է Սակուրաձիմա հրաբխի ժաթքումը, տեղեկացնում Է «Արմենպրես»-ը՝ հղում անելով NHK հեռուստաալիքին:

Reuters գործակալության տվյալներով՝ հրաբխից 50 կիլոմետր հեռավորության վրա գտնվում Է «Սենդայ» ատոմակայանը:

Հեռուստաալիքը նշում Է, որ հրաբխի ժայթքումն սկսվել Է փետրվարի 4-ին տեղական ժամանակով ժամը 18:56-ին (Երեւանի ժամանակով ժամը 13:56-ին), երկրի օդերեւութաբանական ծառայությունը դրան վտանգի երրորդ մակարդակ Է տվել (չմոտենալ հրաբխին):  

Եթերում ցուցադրված տեսագրության կադրերում երեւում են Սակուրաձիմայի լանջին լավայի եւ մոխրի՝ մի քանի տասնյակ մետրի հասնող արտանետումները: Մոխրի քուլաներում փայլատակում են կայծակների բռնկումները:

Այս տարվա սեպտեմբերին Սակուրաձիմա հրաբուխը, որն ամենաակտիվներից մեկն Է Ճապոնիայում, 700 մետր բարձրությամբ ծխի եւ մոխրի սյուն Է արտանետել, հաղորդել Է ՌԻԱ Նովոստի գործակալությունը:

Լուսանկարը` REUTERS/ Kyodo