ԱՄՆ-ը չի պատրաստվում Ռուսաստանի հետ համագործակցել Սիրիայում. Էշթոն Քարթեր
ԵՐԵՎԱՆ, 7 ՀՈԿՏԵՄԲԵՐԻ, ԱՐՄԵՆՊՐԵՍ: ԱՄՆ-ը չի պատրաստվում Ռուսաստանի հետ համագործակցել Սիրիայում ռազմական գործողությունների հարցում այնքան ժամանակ, քանի դեռ Մոսկվան չի փոխել իր ռազմավարությունը: Այդ մասին, ինչպես տեղեկացնում Է «Արմենպրես»-ը, հոկտեմբերի 8-ին հայտարարել Է Պենտագոնի ղեկավար Էշթոն Քարթերը:
«Ես արդեն ասել եմ, որ, մեր կարծիքով, Ռուսաստանը ոչ ճիշտ ռազմավարություն Է ընտրել: Նա շարունակում Է հարվածներ հասցնել ԻՊ-ին չպատկանող թիրախների: Մենք դա առանցքային սխալ ենք համարում: Հակառակ ռուսաստանի պնդումներին՝ մենք չեն համաձայնել համագործակցել ԻՊ-ի դեմ պայքարում այնքան ժամանակ, քանի դեռ նա ոչ ճիշտ ռազմավարություն Է իրականացնում եւ հարվածներ Է հասցնում այդ նպատակակետերին»,- հավելել Է Քարթերը:
Ավելի վաղ արդեն հայտնի Էր դարձել, որ ՆԱՏՕ-ն եւ ԱՄՆ-ը մտադիր չեն Սիրիայի վերաբերյալ հետախուզական տեղեկատվություն տրամադրել ՌԴ-ին այնքան ժամանակ, քանի դեռ Մոսկվան չի դադարեցնի աջակցությունը Սիրիայի նախագահ Բաշար Ասադին, հաղորդել Է «Ինտերֆաքս»-ը: