Հայտնի են Երեւանի կիսամարաթոնի հաղթողները
ԵՐԵՎԱՆ, 4 ՀՈԿՏԵՄԲԵՐԻ, ԱՐՄԵՆՊՐԵՍ: «Էրեբունի-Երևան» տոնակատարության միջոցառումների շրջանակում Երևանում առաջին անգամ անցկացվեց միջազգային կիսամարաթոն:
«Արմենպրես»-ի հաղորդմամբ, կիսամարաթոնի հաղթողները 10 կմ տարածությունում Աննա Ռուսկիխնը (Կանանց պայքարում 2-րդ՝ Աննա Սապրիկինա և 3-րդ՝ Սիլվիա Յուսեֆին ) և Երվանդ Մկրտչյանն են (Տղամարդկանց պայքարում 2-րդ՝ Աշոտ Հայրապետյան և 3-րդ՝ Միխայիլ Պեշկով): 10 կմ տարածությունում 1-ին տեղի մրցանակակիրը կստանա 200.000, 2-րդը՝ 150.000, 3-րդը՝ 100.000 դրամ:
21 կմ տարածությունը առաջինը հաղթահարեցին Օլգա Սկրիպակը (2-րդը ` Կատարինա Անդեր և 3-րդը՝ Էլոդի Բիոլայ) և Ռինաս Ախմադեևը (2-րդը՝ Սեյմեդհի Շարիֆհի և 3-րդը` Սանտիագո Մեզկուտա): 21 կմ հաղթողների համար սահմանված է 1.000.000, 2-րդ տեղի համար՝ 750.000, 3-րդ տեղի համար՝ 500.000 դրամ մրցանակներ: