ԵՐԵՎԱՆ, 11 ՍԵՊՏԵՄԲԵՐԻ, ԱՐՄԵՆՊՐԵՍ: Ազգային ժողովի պետաիրավական հարցերի մշտական հանձնաժողովը դրական եզրակացությամբ սահմանադրական փոփոխությունների նախագիծն ընդգրկեց խորհրդարանի լիագումար նիստերի և չորսօրյա նիստերի օրակարգում:

Ինչպես հաղորդում է «Արմենպրես»-ը, սահմանադրական բարեփոխումների նախագիծը ԱԺ լիագումար նիստի և չորսօրյա նիստերի օրակարգում ընդգրկելու առաջարկին դեմ քվեարկեց չորս պատգամավոր՝ ԱԺ ՀԱԿ խմբակցության պատգամավոր Գագիկ Ջհանգիրյանը, Տիգրան Ուրիխանյանը, անկախ պատգամավոր Էդմոն Մարուքյանը և «Ժառանգություն» խմբակցության պատգամավոր Զարուհի Փոստանջյանը:

Ազգային ժողովի պետաիրավական հարցերի մշատական հանձնաժողովն ավարտել է սահմանադրական փոփոխությունների նախագծի քննարկումը: