ՄՈՍԿՎԱ, 9 ՍԵՊՏԵՄԲԵՐԻ, ԱՐՄԵՆՊՐԵՍ: ՌԴ արտգործնախարար Սերգեյ Լավրովն ԱՄՆ պետքարտուղար Ջոն Քերիի հետ հեռախոսազրույցում քննարկել է Սիրայի հակամարտության կարգավորման խնդիրը և ռուս-ամերիկյան հարաբերությունների որոշ հարցեր: Ինչպես տեղեկացնում է «Արմենպրես»-ն, այդ մասին ՏԱՍՍ-ին տեղեկացրել են ՌԴ ԱԳՆ-ից:

«Ուշադրության կենտրոնում էր Սիրայի հակամարտության կարգավորման խնդիրը, որին հասնելու ուղին, Ժնևի 2012թ. Հունիսի 30-ի կոմյունիկեի համաձայն, Սիրիայի կառավարության և ընդդիմության միջև երկխոսությունն է»,- նշել են ՌԴ ԱԳՆ-ում, և հավելել, որ «Սերգեյ Լավրովը կրկին մատնանշել է ահաբեկչական խմբավորումներին միասնական դիմակայելու անհրաժեշտությունը, որոնք զավթել են Սիրիայի տարածքի նշանակալի մասը և սպառնում միջազգային անվտանգությանը, և որոնց հետ պայքարի ծանրությունը կրում է Սիրիայի կանոնավոր բանակը»:

ՌԴ ԱԳՆ-ից տեղեկացրել են, որ քննարկվել են միջազգային օրակարգի և ռուս-ամերիկյան հարաբերությունների այլ հարցեր: