Բեռլինը, Փարիզը և Լոնդոնը մտադիր են ԵՄ գագաթնաժողով հրավիրել փախստականների հարցի շուրջ
ԵՐԵՎԱՆ, 30 ՕԳՈՍՏՈՍԻ, ԱՐՄԵՆՊՐԵՍ: Գերմանիան, Ֆրանսիան և Մեծ Բրիտանիան կոչ են անում անցկացնել Եվրամիության երկրների ներքին գործերի և արդարադատության նախարարների համատեղ նիստ` կապված փախստականների շուրջ իրավիճակի սրմամբ: «Արմենպրես»-ի հաղորդմամբ` ինչպես տեղեկացնում է «ՌԻԱ Նովոստի»-ն, այս մասին հայտնում է «Ֆրանս Պրես»-ը:
«Նախարարները դիմել են Լյուքսեմբուրգին` խնդրելով առաջիկա երկու շաբաթների ընթացքում շտապ հրավիրել ներքին գործերի և արդարադատության նախարարների համատեղ նիստ, որպեսզի ճգնաժամի լուծման հստակ լուծումներ գտնեն»,-ասված է երեք երկրների ներքին գործերի նախարարների համատեղ հայտարարության մեջ:
2015թ. սկզբից Եվրամիության տարածք է մուտք գործել 340 հազար ներգաղթյալ: