Պատժամիջոցների վերացումից հետո Իրանը կկարողանա աջակցել իր դաշնակիցներին. Սիրիայի վարչապետ
ԴԱՄԱՍԿՈՍ, 16 ՀՈՒԼԻՍԻ, ԱՐՄԵՆՊՐԵՍ: Սիրիայի վարչապետ Վաիլ ալ-Հալկին գտնում է, որ Իրանը պատժամիջոցների վերացումից հետո կսկսի էլ ավելի ակտիվ կերպով աջակցել իր դաշնակիցներին` Սիրիայում, Իրաքում և Լիբանանում:
«Այն բանից հետո, երբ Իրանը վաստակեց ազատություն և ավարտեց ծանր բանակցությունները, որոնք տևել են 23 ամիս, նա կկարողանա էլ ավելի շատ աջակցել տարածաշրջանում իր դաշնակիցներին, առաջին հերթին Սիրիայում, Իրաքում և Լիբանանում»,- «Արմենպրես»-ի փոխանցմամբ` «Ռիա-նովոստի»-ին ասել է Սիրիայի վարչապետը:
Ալ-Հալկին ընդգծել է, որ իրանական միջուկային ծրագրի շուրջ պայմանագրի ստորագրումից հետո Թեհրանը տարածաշրջանային քաղաքականության մեջ դարձել է «հիմնական խաղացողը» և մնում է Սիրիայի բարեկամ երկիր: