Զորամասերից մեկում լեյտենանտ է զոհվել
ԵՐԵՎԱՆ, 1 ՀՈՒԼԻՍԻ, ԱՐՄԵՆՊՐԵՍ: Հայաստանի հյուսիսարևելյան հատվածում տեղակայված զորամասերից մեկի պահպանության տարածքում, ըստ նախնական տվյալների, հուլիսի 30-ին, ժամը 13:00-ին հայտնաբերվել է լեյտենանտ Մավրիկ Խաչատուրի Մելիքյանը` գլխի շրջանում ստացած հրազենային գնդակային վնասվածքով: Ինչպես «Արմենպրես»-ին տեղեկացրին ՀՀ պաշտպանության նախարարության տեղեկատվության եւ հասարակայնության հետ կապերի վարչությունից, Մավրիկ Մելիքյանը մահացել է զինվորական հոսպիտալ տեղափոխելու ճանապարհին: Կատարվում է նախաքննություն:
ՀՀ պաշտպանության նախարարությունը կիսում է ծանր կորստյան վիշտը և իր զորակցությունն է հայտնում Մավրիկ Խաչատուրի Մելիքյանի ընտանիքի անդամներին, հարազատներին և ծառայակիցներին:
Կարծիքներ
Հարցազրույցներ
Փաստ մեկնաբանությամբ