Հայոց ցեղասպանության ճանաչման գործընթացն անշրջելի է. Էդվարդ Նալբանդյան
ԵՐԵՎԱՆ, 25 ՀՈՒՆԻՍԻ, ԱՐՄԵՆՊՐԵՍ: Հայոց ցեղասպանության 100-րդ տարելիցը նոր փուլ եւ սկիզբ է միջազգային ճանաչման գործում, եւ այս գործընթացն այլեւս անշրջելի է: «Արմենպրես»-ի փոխանցմամբ` հունիսի 25-ին Չեխիայի ԱԳ նախարար Լյուբոմիր Զաորալեկի հետ համատեղ ասուլիսի ժամանակ ՀՀ ԱԳ նախարար Էդվարդ Նալբանդյանը հատկանշական համարեց այն փաստը, որ տարբեր երկրների խորհդարաններում ճանաչման գործընթացն իրականանում է բոլոր ուժերի մասնակցությամբ: «Բացի այդ, շատ գնահատելի են հայտարարությունները, որ անում են տարբեր երկրների ղեկավարները: Օրինակ, Գերմանիայի նախագահի հայտարարությունը, Բելգիայի վարչապետի հայտարարությունը, որը բարձր գնահատականի է արժանի: Այս ամենը փաստում է, որ Հայոց ցեղասպանության ճանաչման գործընթացն անշրջելի է»,- ասաց Նալբանդյանը:
Ապրիլի 23-ին Բեռլինի Մայր տաճարում տեղի ունեցած էկումենիկ աղոթքից հետո Գերմանիայի նախագահ Յոահիմ Գաուկը հանդես էր եկել ծավալուն ելույթով եւ շեշտել, որ Գերմանիան խոսում է Հայոց ցեղասպանության մասին, որպեսզի Հիտլերն իրավացի դուրս չգա: Բելգիայի վարչապետ Չարլզ Միշելը հունիսի 18-ին Բելգիայի խորհրդարանի Ներկայացուցիչների պալատի լիագումար նիստում կառավարության անունից ճանաչեց Հայոց ցեղասպանությունը: «Ես կարծում եմ, որ 1915-1917 թվականներին Օսմանյան կայսրությունում տեղի ունեցած ողբերգական իրադարձությունները պետք է որակվեն որպես ցեղասպանություն, և դա նաև Բերլգիայի կառավարության դիրքորոշումն է»:
- Մասաչուսեթսի Ներկայացուցիչների պալատը հարգանքի տուրք է մատուցել Հայոց
ցեղասպանությունը վերապրած 109-ամյա հայ կնոջը
- Ֆրանսիայի Ազգային ժողովից պատվիրակություն կժամանի Հայաստան
- Կարևոր է միջազգային առաքելությունը, որը վստահություն կներշնչի ԼՂ
բնակիչներին. ՄԱԿ ԱԽ-ում ԱՄՆ ներկայացուցիչ
- Ստեփանակերտի հարակից տարածքներից ադրբեջանական զինուժը կրակում է
հրաձգային տարբեր զինատեսակներից
- Վերջին 15 րոպեի ընթացքում Ստեփանակերտում տասնյակ պայթյուններ են լսվել.
Բեգլարյան