Հայաստանը ողջունում է ԵՄ-ի դիրքորոշումը ԼՂ հակամարտության կարգավորման հարցում
ԵՐԵՎԱՆ, 27 ՄԱՅԻՍԻ, ԱՐՄԵՆՊՐԵՍ: Ռիգայում Արևելյան գործընկերության գագաթնաժղովի շրջանակներում ընդունված համատեղ հռչակագրում Լեռնային Ղարաբաղի հակամարտության կարգավորման վերաբերյալ ձևակերպումը կոնսոլիդացված մոտեցում է առ այն, որ ԵՄ-ն սատարում է ԵԱՀԿ Մինսկի խմբի համանախագահների ջանքերին և տեսնում է հարցի կարգավորումը՝ հիմնված նրանց հայտարարությունների հիման վրա: Այս մասին Ազգային ժողովում ՀՀ 2014թ. պետական բյուջեի կատարման հաշվետվության քննարկման ժամանակ նշեց ՀՀ արտաքին գործերի նախարարի տեղակալ Կարեն Նազարյանը՝ պատասխանելով ԲՀԿ խմբակցության պատգամավոր Վահան Բաբայանի հարցին: «Եվրամիությունը Լեռնային Ղարաբաղի հակամարտության կարգավորման վերաբերյալ նման ձևակերպումներով հանդես է եկել նաև նախկինում, և հույս ունենք, որ այս ձևակերպումը տեղ կգտնի նաև ապագա բոլոր հիմնարար փաստաթղթերում և գագաթնաժողովների հռչակագրերում»,- «Արմենպրես»-ի հաղորդմամբ՝ ընդգծեց փոխնախարարը:
Նա հավելեց, որ Եվրամիությունը Լեռնային Ղարաբաղի հակամարտության հարցում ներգրավված է նաև Հարավային Կովկասում ԵՄ հատուկ ներկայացուցչի միջոցով: «Հայտնի է, որ նրա նշամակման առաջին օրվանից Հայաստանը ողջունել է այդ նշանակումը, և մենք բարձր ենք գնահատում Եվրամիության կողմից տարբեր առիթներով Մինսկի խմբի համանախագահների ջանքերի ուղղությամբ արտահայտած աջակցությանը, որն ուղղված է հիմնահարցի խաղաղ կարգավորմանը: Սա է եղել մեր պաշտոնական մոտեցումը և մնում է այդպիսին»,- շեշտեց Կարեն Նազարյանը:
- ԲՏԱ նախարարության և «Ստարտափ Արմենիա» հիմնադրամի միջև փոխըմբռնման
հուշագիր է ստորագրվել
- ԵԱՏՄ-ից Հայաստանի դուրս գալու նախաձեռնություն չկա․ Արման Եղոյան
- Նշվել է Հայ-ռուսական համալսարանի օրը. այս տարի բուհ են ընդունվել
ռեկորդային թվով ուսանողներ
- Հայաստանն ու Հնդկաստանը փոխշահավետ ծրագրեր կարող են իրականացնել մի շարք
ոլորտներում, Արմեն Սարգսյանն ընդունել է Կիշան Դան Դևալին
- Ադրբեջանի իշխանությունները քաղաքականացնում են գերիների վերադարձը. ՀՀ
ՄԻՊ-ը՝ Կոլումբիայի համալսարանի քննարկմանը