Բուլղարիան ներգրավել Է բանակը՝ զսպելու միգրանտների ներհոսքը
ԵՐԵՎԱՆ, 27 ԱՊՐԻԼԻ, ԱՐՄԵՆՊՐԵՍ: Բուլղարիայի իշխանություններն առաջին անգամ զորք են ուղարկել Թուրքիայի հետ սահման՝ անօրինական միգրանտների հոսքը զսպելու համար, որոնք հիմնականում գալիս են Թուրքիայից եւ Իրաքից, տեղեկացնում Է «Արմենպրես»-ը՝ հղում անելով BBC-ին:
Բուլղարիայի ղեկավարությունն ավելի վաղ Թուրքիայի իշխանություններին մեղադրել Է, որ նրանք Սիրիայից Թուրքիա ժամանած գաղթականների մի մասին ուղարկում են Բուլղարիայի սահման:
Իրավապաշտպանները Բուլղարիային քննադատում են, որ գաղթականներին մերժում են մուտքի եւ երկրում ապաստան խնդրելու հնարավորության հարցում:
Անցյալ շաբաթ Եվրամիությունը համաձայնեցրել Է ծովով միգրանտների ներհոսի զսպման նոր միջոցառումների փաթեթը, սակայն Եվրամիության մի քանի երկրներ գանգատվել են, որ իրենց կարծիքը հաշվի չեն առել:
Լուսանկարը` REUTERS