Կիեւում ընթանում Է Ուկրաինա - ԵՄ գագաթնաժողովը
ԵՐԵՎԱՆ, 27 ԱՊՐԻԼԻ, ԱՐՄԵՆՊՐԵՍ: Ուկրաինայի մայրաքաղաքում բացվել Է Ուկրաինա - Եվրամիություն գագաթնաժողովը: Ինչպես տեղեկացնում Է «Արմենպրես»-ը, միջոցառման սկսվելու մասին հաղորդել Է Ուկրաինայի նախագահի մամուլի ծառայությունը:
«Սկսվել Է Ուկրաինա - ԵՄ տասնյոթերորդ գագաթնաժողովը»,- նշել են վարչակազմում: Մասնակիցների հանդիպման հանդիսավոր արարողությունից հետո, ինչպես հավելել են պաշտոնյաները, «տեղի Է ունենում Ուկրաինայի նախագահի հանդիպումը Եվրոպայի խորհրդի նախագահի (Դոնալդ Տուսկի) եւ Եվրահանձնաժողովի նախագահի (Ժան Կլոդ Յունկերի) հետ:
Գագաթնաժողովի ընթացքում կքննարկվեն երկկողմ համագործակցության լայն շրջանակի հարցեր: Ավելի վաղ Պորոշենկոն Տուսկի հետ կայացած հեռախոսազրույցի ժամանակ հույս Է հայտնել, որ գագաթնաժողովի ընթացքում Եվրամիության կողմից «կստացվեն ուժեղ ազդանշաններ Ուկրաինայի եւ նրա եվրոպական ինտեգրացման պաշտպանությամբ»: Այս առնչությամբ Ուկրաինայի ղեկավարը նշել Է անվտանգության եւ պաշտպանության ոլորտում Կիեւի եւ Բրյուսելի հարաբերությունների խորացման կարեւորությունը:
Ուկրաինայի վարչապետ Արսենի Յացենյուկի խոսքով՝ քննարկման համար պլանավորված են երեք խումբ հարցեր, այդ թվում՝ մակրոֆինանսական օգնության տրամադրումը Կիեւին, երկրի արեւելքում հակամարտության հետ կապված իրադրությունը, ինչպես նաեւ նախապատրաստումը մայիսի 21 – 22-ը Ռիգայում կայանալիք «Արեւելյան գործընկերության» գագաթնաժողովին, հաղորդել Է ՏԱՍՍ-ը: