ԵՐԵՎԱՆ, 27 ԱՊՐԻԼԻ, ԱՐՄԵՆՊՐԵՍ: Եվրակազմակերպության մոնիթորինգի հատուկ պատվիրակությունը հաղորդել Է Դոնեցկի մարզի Մարիուպոլի մատույցներում՝ Շիրոկինո գյուղի շրջանում, ուժերի աճող կենտրոնացման եւ փոխհրաձգության սաստկացման մասին, տեղեկացնում Է «Արմենպրես»-ը:

Կազմակերպության դիտորդների ամենօրյա հաշվետվությունում ասված Է, որ ապրիլի 26-ին Շիրոկինոյում գնդակոծումները եղել են ամենաինտենսիվը փետրվարի կեսերից ի վեր, երբ Մինսկում կնքվեց հրադադարի համաձայնագիրը:    

ԵԱՀԿ-ի դիտորդները նշել են, որ ապրիլի 26-ի ժամը 19:00-ի դրությամբ փոխհրաձգությունը շարունակվել Է 12 ժամ:

Դիտորդների անօդաչու ապարատներն ապրիլի 26-ի ցերեկը նկարահանել են 11 տանկ եւ չորս զրահապատ փոխադրամեքենա Շիրոկինոյից հյուսիս ընկած տարածքում, որը գտնվում Է ինքնահռչակ Դոնեցկի Ժողովրդական Հանրապետության վերահսկողությանն ներքո, ի լրումն նախորդ երեք օրվա 17 տանկերի, երեք ինքնագնաց հաուբիցների եւ 60 զրահապատ փոխադրամեքենաների: