Էվերեստի վրա ձնահոսքի հետեւանքով 65 լեռնագնաց է զոհվել
ԵՐԵՎԱՆ, 26 ԱՊՐԻԼԻ, ԱՐՄԵՆՊՐԵՍ: Աշխարհի ամենաբարձր գագաթի` Էվերեստի վրա ձնահոսքի հետեւանքով 65 լեռնագնաց է զոհվել, ավելի քան հազարը կենտրոնական ճամբարում սպասում են տարհանման: Ինչպես հաղորդում է «Արմենպրես»-ը, այս մասին կիրակի հայտնել է CNN IBN հեռուստաալիքը:
Նեպալի լեռնագնացների ընկերակցության նախագահ Անգ Չերինգի տվյալներով, ավելի քան 60 մարդ վնասվածքներ է ստացել ու կտեղափոխվեն առաջին հերթին. նրանցից 22-ը կտարհանվեն ուղղաթիռի առաջին իսկ չվերթով:
Ձնահոսքն իր տակ թաղել է լեռնագնացների կենտրոնական ճամբարի մի մասը: Նեպալում գրանցված հզոր երկրաշարժի պահին ճամբարում գտնվող ավելի քան հազար լեռնագնացներից 400-ն օտարերկրացիներ էին:
Զոհված լեռնագնացների թվում է Google ընկերության բարձրաստիճան աշխատակից Դենիել Ֆրեդինբուրգը: Այս մասին հայտնում է բրիտանական Jagged Globe ընկերությունը, որը զբաղվում էր գործարարի` լեռը բարձրանալու կազմակերպմամբ:
Ապրիլի 25-ին Նեպալի մայրաքաղաք Կատմանդուի մոտակայքում 7.9 բալ ուժգնությամբ երկրաշարժ է տեղի ունեցել: Զոհվել է մոտ երկու հազար մարդ, մոտ հինգ հազարը վնասվածքներ են ստացել: Իրականացվում են որոնողա-փրկարարական աշխատանքներ:
- Շոտլանդիայի նորընտիր ղեկավարը հայտնել է առաջիկա 5 տարում անկախանալու
հնարավորության մասին
- Ուրուգվայի Սենատորների պալատը միաձայն կողմ է քվեարկել ապրիլի 24-ը Հայոց
ցեղասպանության հիշատակի օր հռչակող օրինագծին
- Օհանավանում հայտնաբերվել է միջնադարյան ժայռափոր դամբարան. ԿԳՄՍ
նախարարությունը մանրամասներ է հայտնում
- Հայաստանի ոստիկանության պետը հանդիպումներ է ունեցել Եվրոպոլի և ՍԻՊՈԼ-ի
ղեկավարների հետ
- Հայաստանի պաշտպանության նախարարը մասնակցել է Դուբայի ավիացիոն
ցուցահանդեսի բացմանը