Իտալական Սարդինիան միացել է Մեծ եղեռնի ոգեկոչման արարողություններին
ԵՐԵՎԱՆ, 24 ԱՊՐԻԼԻ, ԱՐՄԵՆՊՐԵՍ: Իտալական Սարդինիա կղզու Կայլարի վարչական կենտրոնի աշակերտներն ապրիլի 24-ին հիշատակել են Հայոց ցեղասպանության 100-րդ տարելիցը: «Պաչինոտի» ավագ դպրոցի աշակերտները և ուսուցիչները բաց դաս են անցկացրել՝ 1915 թվականին հայերի դեմ իրականացված զանգվածային ոճրագործությունների մասին: «Արմենպրես»-ի փոխանցմամբ` նախաձեռնությունը, որին մասնակցել է 250 դպրոցական, իրականացրել է իտալա-արաբական «Ասսադակահ» կենտրոնի Սարդինիայի մասնաճյուղը:
Դասախոսություն է կարդացել «Հայոց ցեղասպանությունը. լռության 100 տարի» գրքի հեղինակ Ալեսանդրո Արամուն, «Ասսադակահ» կենտրոնի Սարդինիայի մասնաճյուղից Ռայմոնդո Սկյավոնեն և հայազգի դաշնակահար Իրմա Թուդյանը:
Կղզու բնակչությանն են ներկայացվել Հայոց ցեղասպանության ականատեսների վկայությունները և կարևոր փաստաթղթեր ներառող «Հայոց ցեղասպանությունը. լռության 100 տարի» գիրքը` գրված իտալացի երեք լրագրողների՝ Ալեսանդրո Արամույի, Ջան Միկալեսինի և Աննա Մացոնեի կողմից:
- Մասաչուսեթսի Ներկայացուցիչների պալատը հարգանքի տուրք է մատուցել Հայոց
ցեղասպանությունը վերապրած 109-ամյա հայ կնոջը
- Ֆրանսիայի Ազգային ժողովից պատվիրակություն կժամանի Հայաստան
- Կարևոր է միջազգային առաքելությունը, որը վստահություն կներշնչի ԼՂ
բնակիչներին. ՄԱԿ ԱԽ-ում ԱՄՆ ներկայացուցիչ
- Ստեփանակերտի հարակից տարածքներից ադրբեջանական զինուժը կրակում է
հրաձգային տարբեր զինատեսակներից
- Վերջին 15 րոպեի ընթացքում Ստեփանակերտում տասնյակ պայթյուններ են լսվել.
Բեգլարյան