Ռումինիայի վարչապետին ու Սլովենիայի նախագահին Գալիպոլիում ոչ ոք չի տեսել
ԵՐԵՎԱՆ, 24 ԱՊՐԻԼԻ, ԱՐՄԵՆՊՐԵՍ: Թուրքական լրատվամիջոցները ուռճացրել են Գալիպոլիի ճակատամարտի 100-ամյակին մասնակցող պետությունների նախագահների և վարչապետների թիվը` առնվազն երկուսով: Նախօրեին թմբկահարվող հայտարարությունը, թե միջոցառումներին մասնակցելու են 17 երկրների նախագահներ և 5 երկրների վարչապետներ, իրականությանը չի համապատասխանում: Դեռ առավոտյան թուրքական պետական «Անադոլու» գործակալությունը հաղորդում էր, որ մասնակիցների թվում են լինելու Սլովենիայի նախագահ Բորուտ Պահորը և Ռումինիայի վարչապետ Վիկտոր Պոնտան: Հատկանշական է, որ նյութը գործակալության կայքէջում հրապարակվել է առավոտյան ժամը 10:38-ին և խմբագրվել 12:29-ին, որից հետո անգամ եվրոպական երկու երկրների առաջնորդների անունները եղել են նյութում:
Ինչպես հաղորդում է «Արմենպրես»-ի թղթակիցը Բուխարեստից, Ռումինիայի վարչապետ Վիկտոր Պոնտան այսօր Կրայովա քաղաքում ընդունել է Բուլղարիայի վարչապետ Բոյկո Բորիսովին և Սերբիայի վարչապետ Ալեքսանդր Վուչիչին: Քիչ հավանական է, որ Պոնտան թողել է հյուրերին և մեկնել Գալիպոլի, մանավանդ, որ վերջիններիս քննարկման օրակարգում Գալիպոլիի տոնակատարությունների հարցն ընդհանրապես կարելի է բացառել:
Ինչ վերաբերում է Սլովենիայի նախագահ Բորուտ Պահորին, նա ընդհանրապես նախընտրել է օրն անցկացնել մշակութային միջավայրում և մտավոր սեփականության խնդիրների քննարկման համար ընդունել է երկրի երաժշտական էլիտայի ներկայացուցիչներին:
Հաշվի առնելով այս հանգամանքը՝ կարելի է եզրակացնել, որ Գալիպոլիի միջացառումների ներկաների թվի արհեստական ուռճացումը Թուրքիայի համար եղել է ընդամենը ինքնանպատակ:
- Մասաչուսեթսի Ներկայացուցիչների պալատը հարգանքի տուրք է մատուցել Հայոց
ցեղասպանությունը վերապրած 109-ամյա հայ կնոջը
- Ֆրանսիայի Ազգային ժողովից պատվիրակություն կժամանի Հայաստան
- Կարևոր է միջազգային առաքելությունը, որը վստահություն կներշնչի ԼՂ
բնակիչներին. ՄԱԿ ԱԽ-ում ԱՄՆ ներկայացուցիչ
- Ստեփանակերտի հարակից տարածքներից ադրբեջանական զինուժը կրակում է
հրաձգային տարբեր զինատեսակներից
- Վերջին 15 րոպեի ընթացքում Ստեփանակերտում տասնյակ պայթյուններ են լսվել.
Բեգլարյան