Լիտվայի Կաունաս քաղաքում կայացել է Ցեղասպանության տարելիցին նվիրված համերգ
ԵՐԵՎԱՆ, 21 ԱՊՐԻԼԻ, ԱՐՄԵՆՊՐԵՍ: ՀՀ մշակույթի նախարարության աջակցությամբ, Լիտվայի Հանրապետությունում ՀՀ դեսպանությունն ապրիլի 17-ին, Կաունաս քաղաքում իրականացրել է համերգ՝ նվիրված Հայոց ցեղասպանության 100-րդ տարելիցին: Ինչպես «Արմենպրես»-ին տեղեկացրին ՀՀ մշակույթի նախարարության հասարակայնության հետ կապերի բաժնից, համերգին ներկա են եղել Լիտվայի Եպիսկոպոսաց ժողովի նախագահ, Արքեպիսկոպոս Սիգիտաս Տամկյավիչյուսը, Լիտվայի արտաքին գործերի նախարարի տեղակալ Անդրյուս Կրիվասը, Կաունասի քաղաքապետ Վիսվալդաս Մատիոշայտիսը, փոխքաղաքապետ Վասիլիուս Պոպովասը, հասարակական-քաղաքական գործիչներ, դիվանագետներ, անվանի երաժիշտներ, լրագրողներ, ակադեմիական, մտավորական շրջանակների, ինչպես նաև Լիտվայի հայ համայնքի ներկայացուցիչներ:
Հանրահայտ լիտվացի դիրիժոր Յուոզաս Դոմարկասի ղեկավարությամբ Կաունասի Սիմֆոնիկ նվագախմբի և հատուկ հրավիրված մենակատարներ` ջութակահար Հայկ Կազազյանի (Հայաստան), շեփորահար Թոմաս Կրիչյուսի (Լիտվա) և տենոր Լիպարիտ Ավետիսյանի (Հայաստան) կատարմամբ հնչել են Սայաթ-Նովայի, Կոմիտասի, Արամ Խաչատրյանի, Ալեքսանդր Հարությունյանի, Ջիակոմո Պուչինիի և Ֆրանչեսկո Չիլեայի ստեղծագործությունները:
- Մասաչուսեթսի Ներկայացուցիչների պալատը հարգանքի տուրք է մատուցել Հայոց
ցեղասպանությունը վերապրած 109-ամյա հայ կնոջը
- Ֆրանսիայի Ազգային ժողովից պատվիրակություն կժամանի Հայաստան
- Կարևոր է միջազգային առաքելությունը, որը վստահություն կներշնչի ԼՂ
բնակիչներին. ՄԱԿ ԱԽ-ում ԱՄՆ ներկայացուցիչ
- Ստեփանակերտի հարակից տարածքներից ադրբեջանական զինուժը կրակում է
հրաձգային տարբեր զինատեսակներից
- Վերջին 15 րոպեի ընթացքում Ստեփանակերտում տասնյակ պայթյուններ են լսվել.
Բեգլարյան