Հայաստանը կարող է դառնալ Իրանի էներգետիկ ռեսուրսների տարանցման ճանապարհ
ԵՐԵՎԱՆ, 4 ԱՊՐԻԼԻ, ԱՐՄԵՆՊՐԵՍ: Իրանի միջուկային ծրագրի շուրջ վերջնական համաձայնության դեպքում Հայաստանը ունի լավ հնարավորություն Իրանի հետ համագործակցությունը տարբեր ոլորտներում ընդլայնելու համար: Ապրիլի 4-ին լրագրողների հետ հանդիպմանը նման կարծիք հայտնեց իրանագետ Ռուդիկ Դանիելյանը: «Մասնավորապես, ես կարող եմ նշել էներգետիկ ոլորտը: Իրանի նկատմամբ պատժամիջոցների վերացումը նշանակում է համագործակցության վերականգնում Իրանի և Արևմուտքի միջև, իսկ դա իր հերթին ենթադրում է գազամուղների, նավթամուղների անցկացում, դրանց ճանապարհային քարտեզի գծում»,- «Արմենպրես»-ի հաղորդմամբ՝ նշեց իրանագետը:
Նա ընդգծեց, որ, հաշվի առնելով տարածաշրջանային լարված իրավիճակը և այն խնդիրները, որ Իրանն ունի իր հարևան երկրների, մասնավորապես Թուրքիայի հետ, Հայաստանը կարող է աննախադեպ հնարավորություն ստանալ Իրանի էներգետիկ ռեսուրսների տարանցման երկիր դառնալու առումով: «Թե ինչ կլինի հետագայում, ցույց կտա ժամանակը, բայց որ Հայաստանն ունանելու է այս հնարավորությունը, դա փաստ է»,- շեշտեց իրանագետը:
Արաբագետ Արմեն Պետրոսյանն էլ այն կարծիքին է, որ եթե, այնուամենայնիվ, Իրանի միջուկային ծրագրի շուրջ վերջնական համաձայնությունը կայանա, որը կարող է լինել հունիս-հուլիսին, մինչև աշուն նավթի գների որոշակի աճ կգրանցվի: «Իսկ եթե դա տեղի ունենա, որոշակիորեն կակտիվանա Ռուսաստանի տնտեսությունը, ինչը դրական կանդրադառնա նաև Հայաստանի տնտեսության վրա, քանի որ Հայաստանի տնտեսությունն անմիջական կապ ունի Ռուսաստանի տնտեսության հետ»,- նշեց նա:
- ՀՀ դեսպանը կարևորել է Իրանի հետ տնտեսական հարաբերությունները
խորացնելու անհրաժեշտությունը
Իրանում ՀՀ դեսպան Արտաշես Թումանյանը հանդիպել է Իրանի ֆինանսների և էկոնոմիկայի նախարարին: - ՀՀ դեսպանը և Կանադայի ԱԳ նախարարն ընդգծել են առևտրատնտեսական
կապերը խորացնելու անհրաժեշտությունը
Հանդիպմանն անդրադարձ է կատարվել միջազգային կազմակերպություններում դինամիկ համագործակցությանը: - Թեհրանում կայացել են հայ-իրանական հյուպատոսական խորհրդատվություններ
Պատվիրակությունները քննարկել են երկկողմ հետաքրքրություն ներկայացնող հարցերի լայն շրջանակ: - Չեխիայում ՀՀ դեսպանը ներկայացրել է Հայաստանի ներդրումային
հնարավորությունները
Տիգրան Սեյրանյանն աշխատանքային այց է կատարել Հրադեց Կրալովիի երկրամաս: - Տիգրան Սարգսյանը Վաշինգտոնում խոսել է տարբեր ոլորտներում հայ-կիպրական
համագործակցությունից
ԱՄՆ-ում տեղի է ունեցել Կիպրոսի և համահունական հարցերին նվիրված 31-րդ տարեկան համաժողովը: