Հայտարարվել Է 2015 թվականի գարուն-ամառ սեզոնի ամենամոդայիկ գույնը

Armenpress 12:01, 27 Մարտ, 2015

ԵՐԵՎԱՆ, 27 ՄԱՐՏԻ, ԱՐՄԵՆՊՐԵՍ: Մանուշակագույնը ճանաչվել Է 2015 թվականի գարուն-ամառ սեզոնի ամենամոդայիկ գույնը, հաղորդում Է «Արմենպրես»-ը հղում անելով The Independent-ին: «Այս գարնանը գլխավոր գույնը կլինի ծիրանին»,- ասված Է հրատարակության առցանց-տարբերակում հրապարակված նյութում:

Ինչպես նշել Է The Independent-ը, մանուշակագույն, բաց մանուշակագույն եւ նարդոսագույն նրբերանգները կգերակշռեն «գարուն-ամառ 2015» սեզոնի ֆեշն-մակնիշների ցուցադրություններում: Օրինակ Է բերվում, մասնավորապես, նորաձեւության այնպիսի առեւտրանիշների ցուցադրությունները, ինչպիսիք են Burberry-ն եւ Christopher Kane-ն:

Հրատարակությունը խորհուրդ Է տալիս հագուստի մեջ մանուշակագույնը զուգադրել այլ գույների հետ՝ ըստ որում խուսափելով սեւ կամ պաստելային գուներանգների հետ համակցությունից:



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am