ԻՊ-ն համացանցում տարածել է սիրիացի երիտասարդի ձեռքը կտրելու տեսանյութը
ԵՐԵՎԱՆ, 3 ՄԱՐՏԻ, ԱՐՄԵՆՊՐԵՍ: «Իսլամական պետությունը» Սիրիայի Ռակկա քաղաքում կտրել է ոմն 16-ամյա երիտասարդի ձեռքը: Ինչպես հաղորդում է «Արմենպրես»-ը՝ վկայակոչելով արաբական լրատվամիջոցները, երիտասարդ մեղադրվել է գողության մեջ: Ահաբեկիչները համացանցում տեղադրել են ձեռքը կտրելու տեսանյութը, որտեղ երիտասարդի աչքերը կապված են: Մարդիկ հավաքվել են քաղաքի հրապարակում, որպեսզի ականատես լինեն դատավճռի իրականացմանը:
«Ահրար աշ Շամ» ծայրահեղական խմբավորումն իր վրա է վերցրել Դամասկոսում սիրիական բանակի սպայի սպանության պատասխանատվությունը: Ալի Դրեվիշը և նրան ուղեկցող 2 զինծառայողները մարտի 2-ին ահաբեկչական հարձակման էին ենթարկվել Շեյխ Ռուսալան թաղամասում: Նրանց մեքենայում տեղադրվել է պայթուցիկ սարքավորում:
2012թ.-ից ի վեր սա առաջին նմանատիպ ահաբեկչական հարձակումն է մայրաքաղաքի կենտրոնում: 2012թ.-ի հուլիսին իրականացրած ահաբեկչության հետաևնքով զոհվել էր Սիրիայի պաշտպանության նախարար Դաուդա Ռաջին:
«Իսլամական պետություն» ծայրահեղական կազմակերպությունը համարվում է աշխարհի ամենավտանգավոր, ամենախոշոր և, միևնույն ժամանակ, ամենահարուստ ահաբեկչական կազմակերպությունը, որը կարճ ժամանակում հսկայական տարածքներ է գրավել Սիրիայում և Իրաքում: ԻՊ կազմակերպությունում ընդգրկվել են 80 երկրների մոջահեդներ:
- ԱՄՆ կոնգրեսականները ՄՔԴ-ին սպառնում են պատասխան միջոցներով Իսրայելի
նկատմամբ հետաքննության պատճառով. Axios
- Հայաստանի տարածքային ամբողջականությունը ոչ ոք չի վիճարկում․ Վաղարշակ
Հակոբյան
- Ադրբեջանի ԶՈՒ ստորաբաժանումները շարունակում են կրակը Կութում և Սոթքում տեղակայված հայկական դիրքերի ուղղությամբ
- Ադրբեջանի և Սերբիայի նախագահները մի շարք համատեղ փաստաթղթեր են
ստորագրել
- ՀՀ ԱԳ նախարարը Ֆրանսիայի պաշտոնակցին երախտագիտություն է հայտնել Բաքվի
ագրեսիայի առնչությամբ Փարիզի դիրքորոշման համար