Ադրբեջանական դիպուկահար խմբի հրամանատարն ընկել է հայուհու դիպուկ գնդակից
ԵՐԵՎԱՆ, 23 ՀՈՒՆՎԱՐԻ, ԱՐՄԵՆՊՐԵՍ: ՀՀ պաշտպանության նախարարության փոխանցմամբ` Ադրբեջանի զինված ուժերի նախաձեռնած արկածախնդրության հետեւանքով ունեն լուրջ կորուստներ: «Արմենպրես»-ի փոխանցմամբ ՀՀ ՊՆ մամուլի խոսնակ Արծրուն Հովհաննիսյանը տեղեկացնում է, որ հունվարի 23-ին միայն ցերեկային ժամերին Քարվաճառի հատվածում ադրբեջանական զինուժը կորցրել է 3 զինծառայող, դիպուկահար խմբի հրամանատարն էլ զոհվել է Արցախի հարավում: «Ադրբեջանական կողմը շարունակում է իր լկտի քաղաքականությունը սեփական զինվորների ու նրանց հարազատների հանդեպ: Այսօր միայն ցերեկային ժամերին նրանք կորցրել են երեք զինծառայող Քարվաճառի հատվածում, իսկ Արցախի հարավում մեկ դիպուկահար խմբի հրամանատար, որը ընկել է հայուհու դիպուկ գնդակից: Ադրբեջանի քաղաքացիները թող իմանան, որ իրենց զավակները ոչ միայն զոհվում են, այլ նաև անարգվում սեփական ղեկավարության կողմից»:
Հայ-ադրբեջանական սահմանին շուրջ մեկ ամիս է լարված իրավիճակ է: Ադրբեջանական զինուժը տարբեր ուղղություններով դիվերսիաներ է իրականացնում: Շատացել են հրադադարի խախտման դեպքերը: Հունվարի 23-ի առավոտյան եւս դիվերսիոն փորձի հետմղման ժամանակ զոհվել է երկու զինծառայող, կան վիրավորներ:
- ԲՏԱ նախարարության և «Ստարտափ Արմենիա» հիմնադրամի միջև փոխըմբռնման
հուշագիր է ստորագրվել
- ԵԱՏՄ-ից Հայաստանի դուրս գալու նախաձեռնություն չկա․ Արման Եղոյան
- Նշվել է Հայ-ռուսական համալսարանի օրը. այս տարի բուհ են ընդունվել
ռեկորդային թվով ուսանողներ
- Հայաստանն ու Հնդկաստանը փոխշահավետ ծրագրեր կարող են իրականացնել մի շարք
ոլորտներում, Արմեն Սարգսյանն ընդունել է Կիշան Դան Դևալին
- Ադրբեջանի իշխանությունները քաղաքականացնում են գերիների վերադարձը. ՀՀ
ՄԻՊ-ը՝ Կոլումբիայի համալսարանի քննարկմանը