Թուրքիայում կցուցադրվեն իռլանդացի լուսանկարչի լուսանկարները հայ ընտանիքների պատմությունների մասին
ԵՐԵՎԱՆ, 13 ՀՈՒՆՎԱՐԻ, ԱՐՄԵՆՊՐԵՍ: Ստամբուլի ԴԵՊՈ/ (DEPO) մշակութային կենտրոնում կցուցադրվեն իռլանդացի լուսանկարիչ Հելեն Շիհանի լուսանկարներըˋ «Հայ ընտանեկան պատմություններ և կորսված լանդշաֆտներ» խորագրով:
Ինչպես հաղորդում է «Արմենպրես»-ըˋ այս մասին տեղեկացնում է Daily Sabah պարբերականը:
Իռլանդացի արվեստագետի լուսանկարները և նկարազարդումները նախկինում ցուցադրվել են նաև Դիարբեքիրի Սուրբ Կիրակոս եկեղեցումˋ Դիարբեքիրի արվեստի կենտրոնի աջակցությամբ: Լուսանկարչի հետաքրքրությունը հայկական սփյուռքի և Հայաստանի նկատմամբ առաջացել է 1990-ականներին հայերով բնակեցված Սուրբ Ղազար կղզու Մխիթարյան ճեմարանում աշխատելու տարիներին: Նրա հետաքրքրասիրությունը նորից է բորբոքվել 2009 թվականին, երբ հանդիպել է հայ գաղթականների ժառանգների հետ և որոշել պատմել նրանց պատմությունը:
Շիհանը վավերագրել է նաև երեք բազմազգ քաղաքներիˋ Սարաևոյի, Վուկովարի և Մոցարի կործանումը 1990-ականերին, ինչպես նաև ցուցահանդեսներ ունեցել Սլովենիայում, Դուբլինում և Լոնդոնում:
ԴԵՊՈ-ն մշակույթի և բանավեճի կենտրոն է՝ ուղղված արվեստագետների, նկարիչների, քաղաքացիական և մշակութային կազմակերպությունների համագործակցությանն աջակցելուն:
- Մասաչուսեթսի Ներկայացուցիչների պալատը հարգանքի տուրք է մատուցել Հայոց
ցեղասպանությունը վերապրած 109-ամյա հայ կնոջը
- Ֆրանսիայի Ազգային ժողովից պատվիրակություն կժամանի Հայաստան
- Կարևոր է միջազգային առաքելությունը, որը վստահություն կներշնչի ԼՂ
բնակիչներին. ՄԱԿ ԱԽ-ում ԱՄՆ ներկայացուցիչ
- Ստեփանակերտի հարակից տարածքներից ադրբեջանական զինուժը կրակում է
հրաձգային տարբեր զինատեսակներից
- Վերջին 15 րոպեի ընթացքում Ստեփանակերտում տասնյակ պայթյուններ են լսվել.
Բեգլարյան