ԵՐԵՎԱՆ, 21 ԴԵԿՏԵՄԲԵՐԻ, ԱՐՄԵՆՊՐԵՍ: Թունիսում կիրակի առավոտյան մեկնարկել է նախագահական ընտրությունների երկրորդ փուլը: «Արմենպրես»-ի հաղորդմամբ` ինչպես տեղեկացնում է «ՌԻԱ Նովոստի»-ն, սպասվում է, որ քվերակրությանը կմասնակցի մոտ 5,3 միլիոն քաղաքացի: Արդեն վաղ առավոտից` ժամը ութից, նրանք կարող են իրենա ձայնը տալ թեկնածուներից մեկին` «Թունիս ձայն» կուսակցության ղեկավար Բեջի Կաիդա Էս-Սեբսիին կամ գործող նախագահ Նոնսեֆ Մարզուկիին:

Ընտրության նախնական արդյունքների մասին ԿԸՀ-ն կկարողանա հայտնել երկուշաբթի օրը: Երկրի նոր ղեկավարի անունը պետք է հայտարարվի ոչ ուշ, քան ընթացիկ տարվա դեկտեմբերի 24-ը:

Թունիսիում նախագահական ընտրությունների առաջին փուլն անցկացվել է նոյեմբերի վերջին, որն առաջինն էր 2011թ. հունվարի 14-ին տեղի ունեցած հեղափոխությունից հետո, որի արդյունքում տապալվեց նախագահ Զին ալ-Աբիդնա բեն Ալիի իշխանությունը: