Արամ Մանուկյանին ծեծի ենթարկելու առթիվ քրեական գործն ԱԺ նախագահի ուշադրության կենտրոնում է
ԵՐԵՎԱՆ, 12 ԴԵԿՏԵՄԲԵՐԻ, ԱՐՄԵՆՊՐԵՍ: Ազգային ժողովի նախագահ Գալուստ Սահակյանը դատապարտում է բռնության ցանկացած դրսևորում, առավել ևս, եթե այն կապված է պատգամավորների հետ: Այս մասին «Արմենպրես»-ի հետ զրույցում հայտնեց ՀՀ ԱԺ տեղեկատվության և լրատվության վարչության պետ Արսեն Բաբայանը՝ ներկայացնելով պատգամավոր Արամ Մանուկյանին ծեծի ենթարկելու հետ կապված ԱԺ նախագահի դիրքորոշումը: «Պետք է նշեմ, որ պարոն Սահակյանը հեռախոսազրույց է ունեցել պատգամավոր Արամ Մանուկյանի հետ՝ հետաքրքրվելով նրա առողջական վիճակի մասին: ԱԺ նախագահը տեղի ունեցածի հետ կապված առավել մանրամասն տեղեկություններ է ստացել հենց Արամ Մանուկյանից: Միաժամանակ նկատեմ, որ ԱԺ նախագահի ուշադրության ներքո է գտնվում տվյալ դեպքի առթիվ հարուցված քրեական գործի ընթացքը, որի հետ կապված պարոն Սահակյանն արդեն իսկ խոսել է ՀՀ գլխավոր դատախազի հետ:
Հաշվի առնելով այն հանգամանքը, որ արդեն իսկ հարուցված է քրեական գործ՝ պետք է նշեմ, որ դեպքի ընթացքի լուծումը պարզապես անհրաժեշտ է թողնել համապատասխան մարմիններին»,- ասաց Բաբայանը:
Միևնույն ժամանակ, նա տեղեկացրեց, որ ԱԺ նախագահը հորդորում է սպասել քննության ավարտին: Խնդիրն իրավապահ մարմինների քննությանը առարկա է դարձել, և մինչև համապատասխան մարմինների կողմից խնդրին վերջնական գնահատական չտրվի, կոչ է արվում բոլորին զերծ մնալ այլ ենթադրություններից և նախաձեռնություններից
Դեկտեմբերի 12-ի երեկոյան ԱԺ ՀԱԿ խմբակցության պատգամավոր Արամ Մանուկյանը հարձակման է ենթարկվել անհայտ անձի կողմից: ՀՀ Քննչական կոմիտեում դեպքի առթիվ փաստեր են նախապատրաստվել: Դեպքի վայրում եղել է նաև տեսանկարահանող սարք, որի տեսագրությունն արդեն ուսումնասիրության է ենթարկվում վարույթն իրականացնող մարմնի կողմից:
- Գալուստ Սահակյանը դիպլոմներ է հանձնել Մանկավարժականի
շրջանավարտներին
Այս տարի Հայաստանի պետական մանկավարժական համալսարանի շրջանավարտների թիվը մոտ 2000 է, որից 300-ն ուսումն ավարտել է գերազանց առաջադիմությամբ: - ԱԺ-ն քննարկում է Հայ-ռուսական հումանիտար կենտրոնի ստեղծման
համաձայնագիրը
Հումանիտար կենտրոնը կտեղակայվի Կոտայքի մարզի Գետարգել համայնքում: - ՀՀ ԱԺ նախագահը կարևորել է Հայաստանի մասնակցությունը խաղաղապահ առաքելություններին
«Հայաստանը մեծապես կարեւորում է իր մասնակցությունը ՆԱՏՕ-ի կողմից ղեկավարվող խաղաղապահ առաքելություններին»,- ասել է Սահակյանը: - Ակցիզային հարկերի բարձրացում նախատեսող նախագծի երկրորդ ընթերցմամբ
քննարկումը կհետաձգվի
ՀՀ ԱԺ նախագահ Գալուստ Սահակյանը հայտնեց, որ արդեն պայմանավորվել է Կառավարության հետ, որպեսզի «Ակցիզային հարկի մասին» ՀՀ օրենքում փոփոխությունների նախագիծը երկրորդ ընթերցմամբ քննարկվի աշնանը: - ԱԺ-ն ՀՀ օրհներգի հնչյունների ներքո ավարտեց 5-րդ գումարման 7-րդ նստաշրջանի
աշխատանքը
ՀՀ ԱԺ նախագահ Գալուստ Սահակյանը շնորհակալություն հայտնեց պատգամավորներին արդյունավետ աշխատանքի համար՝ հիշեցնելով, որ հունիսի 15-ին կառավարության նախաձեռնությամբ գումարվելու է ԱԺ արտահերթ նստաշրջան: