Հայոց ցեղասպանության տարելիցին նվիրված արշավ կկազմակերպվի ԱՄՆ-ում
ԳԼԵՆԴԵԼ, 6 ՆՈՅԵՄԲԵՐԻ, ԱՐՄԵՆՊՐԵՍ: «Էմմի» տարածաշրջանային մրցանակի դափնեկիր երիտասարդ կինոռեժիսոր Պիտեր Մուսուրլյանը կարճամետրաժ ֆիլմ կնկարահանի քայլարշավորդների, հեծանվորդների և մոտոցիկլիստների մասին, ովքեր 100 կմ կանցնեն Հայոց ցեղասպանության նահատակներին հարգանքի տուրք մատուցելու համար:
Ինչպես հաղորդում է «Արմենպրես»-ը` վկայակոչելով «Ասպարեզ» պարբերականը, արշավորդները կանցնեն Սան Գաբրիել լեռներով, Սան Ֆերնանդո հարթավայրով կհատեն Հոլիվուդը, ապա Լոս Անջելես քաղաքի արևելյան հատվածը և վերջապես իրենց ուղևորությունը կավարտեն Բիքնել զբոսայգու Հայոց ցեղասպանության նահատակների հուշարձանի մոտ: «Մենք վստահ ենք, որ մեր նախնիների վիթխարի տառապանքին նվիրված մեր արշավը իմաստալից ու հետաքրքիր պատմություն կդառնա»,- ասել է արշավը նախաձեռնած «100 կմ տուրք» կազմակեպչական խմբի համակարգող Իոլանդա Դավիթյանը:
Նախատեսվում է վավերագրական ֆիլմը տարբեր լրատվամիջոցներով ցուցադրել Հայոց ցեղասպանության 100-ամյա տարելիցի օրը:
- Մասաչուսեթսի Ներկայացուցիչների պալատը հարգանքի տուրք է մատուցել Հայոց
ցեղասպանությունը վերապրած 109-ամյա հայ կնոջը
- Ֆրանսիայի Ազգային ժողովից պատվիրակություն կժամանի Հայաստան
- Կարևոր է միջազգային առաքելությունը, որը վստահություն կներշնչի ԼՂ
բնակիչներին. ՄԱԿ ԱԽ-ում ԱՄՆ ներկայացուցիչ
- Ստեփանակերտի հարակից տարածքներից ադրբեջանական զինուժը կրակում է
հրաձգային տարբեր զինատեսակներից
- Վերջին 15 րոպեի ընթացքում Ստեփանակերտում տասնյակ պայթյուններ են լսվել.
Բեգլարյան