Էրդողանը Հայոց ցեղասպանության հարցում Ֆրանսիային խաբել չի կարող
ԵՐԵՎԱՆ, 1 ՆՈՅԵՄԲԵՐԻ, ԱՐՄԵՆՊՐԵՍ: Թուրքիայի նախագահ Ռեջեփ Թայիփ Էրդողանը Ֆրանսիա կատարած պաշտոնական այցի շրջանակներում չի շրջանցել Հայոց ցեղասպանության հարցը: Լինելով Հայոց ցեղասպանությունը ճանաչած և դրա ժխտումը քրեորեն պատժելի դարձնելու ճանապարհին գտնվող երկրում` Թուրքիայի նախագահը չի խորշել բարձրաձայնել 20-րդ դարասկզբին մարդկության դեմ գործած ոճրագործության վերաբերյալ թուրքական ապատեղեկատվությունը: Ինչպես հաղորդում է «Արմենպրես»-ը` վկայակոչելով թուրքական Haberler.com-ը, Էրդողանը փորձել է հանդես գալ զոհի կարգավիճակում` պնդելով, թե այս հարցում պաշտոնական Անկարայի ձեռնարկած բոլոր նախաձեռնություններն անպատասխան են մնացել հայկական կողմից:
«Չնայած մեր բոլոր կառուցողական մոտեցումներին` Հայաստանն ու հայկական սփյուռքը զսպվածություն չեն ցուցաբերում: Այս հարցը պետք է դադարի քաղաքական հարց լինելուց: Թողենք այն պատմաբաններին, թող պատմաբանները գան և ուսումնասիրեն խնդիրը»,- իր ելույթում առաջարկել է Էրդողանը: Թուրքիայի նախագահը հերթական անգամ խոսել է թուրքական «բաց» արխիվների առկայության մասին` կոչ անելով Հայաստանին ու երրորդ երկրներին ևս բացել իրենց արխիվները, որոնց վրա ուսումնասիրություններ կիրականացնեն ոչ միայն պատմաբանները, այլև հնագետները, իրավաբաններն ու քաղաքագետները:
Օսմանյան կայսրությունում Առաջին համաշխարհային պատերազմի տարիներին իրագործված հայբնակչության կոտորածներն անվանում են Հայոց ցեղասպանություն: Այդ կոտորածներն իրագործվեցիներիտթուրքական կառավարության կողմից Օսմանյան կայսրության տարբեր շրջաններում: Միջազգայինառաջին արձագանքն այս իրադարձություններին 1915թ. մայիսի 24-ի Ֆրանսիայի, Ռուսաստանիեւ Մեծ Բրիտանիայի համատեղ հայտարարությունն էր, որտեղ հայ ժողովրդի նկատմամբ կատարվածբռնությունները բնորոշվեցին որպես «հանցագործություն մարդկության եւ քաղաքակրթության դեմ»:Կողմերը կատարված հանցագործության համար պատասխանատու էին համարում թուրքականկառավարությանը: Առաջին համաշխարհային պատերազմի նախօրեին Օսմանյան կայսրությունումապրում էին երկու միլիոնից ավել հայեր: Շուրջ մեկուկես միլիոն հայ սպանվեց 1915-1923թթ.ժամանակահատվածում, իսկ մնացածները` կամ բռնի մահմեդականացվեցին, կամ էլ ապաստանեցինաշխարհի տարբեր երկրներում: Հայոց ցեղասպանությունը ճանաչել եւ դատապարտել են աշխարհիերկու տասնյակից ավելի պետություններ, ԱՄՆ 42 նահանգներ, Եվրախորհրդարանը, Եկեղեցիներիհամաշխարհային խորհուրդը, հեղինակավոր այլ կազմակերպություններ:
1998թ. մայիսի 28-ին Ֆրանսիայի Ազգային Ժողովը ընդունել է օրենք, որով ճանաչում է Հայոց Ցեղասպանությունը: 2000թ. նոյեմբերի 7-ին Ֆրանսիայի Սենատը պաշտոնապես ընդունել է, որ «հայերը 1915թ. դարձել են Ցեղասպանության զոհ»:
- Մասաչուսեթսի Ներկայացուցիչների պալատը հարգանքի տուրք է մատուցել Հայոց
ցեղասպանությունը վերապրած 109-ամյա հայ կնոջը
- Ֆրանսիայի Ազգային ժողովից պատվիրակություն կժամանի Հայաստան
- Կարևոր է միջազգային առաքելությունը, որը վստահություն կներշնչի ԼՂ
բնակիչներին. ՄԱԿ ԱԽ-ում ԱՄՆ ներկայացուցիչ
- Ստեփանակերտի հարակից տարածքներից ադրբեջանական զինուժը կրակում է
հրաձգային տարբեր զինատեսակներից
- Վերջին 15 րոպեի ընթացքում Ստեփանակերտում տասնյակ պայթյուններ են լսվել.
Բեգլարյան