Հանրապետությունում սպասվում է փոփոխական եղանակ
ԵՐԵՎԱՆ, 30 ՀՈԿՏԵՄԲԵՐԻ, ԱՐՄԵՆՊՐԵՍ: Հանրապետության տարածքում հոկտեմբերի 31-ին հատկապես արևելյան շրջաններում, նոյեմբերի 1-ին, 3-ին շրջանների զգալի մասում ժամանակ առ ժամանակ սպասվում են տեղումներ և մառախուղ, 4-ին սպասվում է առանց տեղումների եղանակ: Ինչպես «Արմենպրես»-ին տեղեկացրին ՀՀ ԱԻՆ Հիդրոմետ ծառայությունից, օդի ջերմաստիճանը հոկտեմբերի 31-ին արևելյան շրջաններում կբարձրանա 3-4 աստիճանով, նոյեմբերի 1-4-ին ամենուրեք կնվազի 8-10 աստիճանով: Քամին հյուսիսարևելյան` 5-10 մ/վրկ արագությամբ:
Երևանում հոկտեմբերի 31-ին սպասվում է փոփոխական ամպամածություն, էական տեղումներ չեն սպասվում, նոյեմբերի 1-ին, 3-ին սպասվում են տեղումներ, 4-ին սպասվում է առանց տեղումների եղանակ: Հոկտեմբերի 31-ի ցերեկային ժամերին մայրաքաղաքում կգրանցվի +17 աստիճան, նոյեմբերի 1-ին` +13, նոյեմբերի 2-ին`+11, նոյեմբերի 3-ին` +8, նոյեմբերի 4-ին` +6 աստիճան: