«Իրավունք» թերթը նշեց հիմնադրման 25-ամյակը
ԵՐԵՎԱՆ, 25 ՀՈԿՏԵՄԲԵՐԻ, ԱՐՄԵՆՊՐԵՍ: Հայ առաքելական եկեղեցու Արարատյան թեմի փոխնորդ Նավասարդ արքեպիսկոպս Կճոյանի հայրապետական աղոթքով Արամ Խաչատրյանի անվան համերգասրահում մեկնարկեց «Իրավունք» թերթի 25-ամյակի հանդիսավոր արարողությունը: «Արմենպրես»-ի փոխանցմամբ, թերթի հոբելյանական տարեդարձն իր ներկայությամբ պատվել էր ՀՀ Նախագահ Սերժ Սարգսյանը:
«Քսանհինգ տարին պատկառելի տարիք է որեւէ հաստատության համար` լրատվամիջոցի համար առավել եւս: «Իրավունք»-ը դարձավ մեր անցած 25-ամյա պատմության վկաներից մեկը: Վաղը շատ պատմաբաններ կփորձեն վերականգնել անցած ճանապարհը, «Իրավունք»-ի նյութերով կուսումնասիրեն, կհամադրեն այլ աղբյուրների հետ եւ կփորձեն գնահատական տալ Հայաստանի պամությանը, իսկ դա փառահեղ պատմություն է` պայքարի, մաքառման հաղթանակի եւ տոկունության: Նման պատմությամբ վստահորեն կարելի է հպարտանալ»,- ասաց Սերժ Սարգսյանը` հավելելով, որ անցած քսանհինգ տարիները հաստատման, կայացման պայքարի տարիներ էին:
«Իրավունք»-ն իր արժանի տեղն է զբաղեցնում ՀՀ ազատ լրատվական դաշտում: Հուսով եմ` ձեր թերթը կընթերցեն ազատ եւ անկախ Հայատանի շատ եւ շատ սերունդներ»,- ասաց Նախագահը:
Թերթի կայացման գործում ունեցած մեծ ավանդի համար «Իրավունք»-ի խմբագրական խորհրդի նախագահ Հայկ Բաբուխանյանն արժանացավ «Մովսես Խորենացի» մեդալի, իսկ թերթի երկու աշխատակից պարգեւատրվեցին «Երախտագիտության» մեդալով:
«Իրավունք» թերթը նույն տարիքին է, ինչ Հայաստանի հանրապետությունը, եւ թերթն էլ անցել է այն նույն ժամանակահատվածն ու կյանքի փուլերը, ինչանկախ Հայաստանը»,- ասաց Հայկ Բաբուխանյանը` հավելելով, որ առաջիկայում էլ շարունակելու են աշխատել նույն գաղափարախոսությամբ:
Միջոցառմանը ցուցադրվեց ֆիլմ թերթի անցած ուղու մասին, որին հաջորդեց արդեն համերգային ծրագիրը:
- Փաշինյանը Հայաստանի պետական շահն է համարում տնտեսական զարգացումը
- Ֆրանսիայի Սենատում առաջարկել են ուսումնասիրել Հայաստանին CAESAR
հրետանային համակարգեր մատակարարելու հնարավորությունը
- ՀՀ ԱԺ նախագահը հյուրընկալել է ՀՀ վարչապետի տիկնոջը և «Կին քաղաքական
առաջնորդներ» համաշխարհային ցանցի նախագահին
- Հիմա ճգնաժամը թակում է մեր դուռը, և մենք պետք է արձագանքենք դրան. Ռուբեն
Վարդանյան
- Ռոզա Լինը ելույթ կունենա Էդ Շիրանի համերգային շրջագայության ընթացքում