Վարչապետը հորդորեց գործադիր մարմնի անդամներին սերտացնել համագործակցությունը մարզպետների հետ
ԵՐԵՎԱՆ, 24 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի Հանրապետության վարչապետ Հովիկ Աբրահամյանը կոչ է անում հանրապետական գործադիր մարմնի անդամներին՝ մարզերում համապատասխան տարածքային ծառայության ղեկավարի նշանակման ու ազատման դեպքում պահպանել Հայաստանի Հանրապետության նախագահի հրամանագիրը: «Նշանակումների ու ազատումների մասին անհրաժեշտ է տեղեկացնել համապատասխան մարզպետներին: Ցանկանում եմ բոլորին խնդրել, հորդորել, որ մարզպետների հետ շատ ակտիվ համագործակցություն ձևավորվի, դա շատ կարևոր է: Մարզպետը ՀՀ նախագահի, վարչապետի, կառավարության ներկայացուցիչն է մարզերում, համագործակցությունը պետք է ավելի սերտացնենք»,- ասաց Հովիկ Աբրահամյանը:
Կարծիքներ
Հարցազրույցներ
Փաստ մեկնաբանությամբ