Արտակ Զաքարյանը հանդիպել է Եվրախորհրդարանի պատգամավոր Ռոլանդաս Պակսասին
ԵՐԵՎԱՆ, 16 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ ԱԺ արտաքին հարաբերությունների մշտական հանձնաժողովի նախագահ, «Եվրանեսթ» խորհրդարանական վեհաժողովում ՀՀ պատվիրակության ղեկավար Արտակ Զաքարյանը հոկտեմբերի 15-ին, Բրյուսելում հանդիպել է «Եվրանեսթ» խորհրդարանական վեհաժողովի Եվրախորհրդարանի պատվիրակության փոխնախագահ, Եվրոպական Խորհրդարանի ԵՄ-Հայաստան, ԵՄ-Ադրբեջան և ԵՄ-Վրաստան խորհրդարանական համագործակցության կոմիտեի անդամ Ռոլանդաս Պակսասի հետ:
Ինչպես «Արմենպրես»-ին տեղեկացրին ՀՀ ԱԺ արտաքին հարաբերությունների մշտական հանձնաժողովից, հանդիպման ընթացքում քննարկվել են «Եվրանեսթ» խորհրդարանական վեհաժողովի շրջանակներում նախատեսված աշխատանքները, ինչպես նաև 2015թ. մարտի 16-20-ը Հայաստանում «Եվրանեսթ» խորհրդարանական վեհաժողովի լիագումար նիստի անցկացման հետ կապված հարցեր:
Կողմերն անդրադարձել են նաև Եվրասիական տնտեսական միությանը ՀՀ-ի անդամակցությանը` կարևորելով ԵՄ-ի հետ հնարավոր բոլոր ոլորտներում համագործակցելու ՀՀ-ի պատրաստակամությունը:
Հանդիպման ավարտին ՀՀ ԱԺ արտաքին հարաբերությունների մշտական հանձնաժողովի նախագահ Արտակ Զաքարյանը պատգամավոր Ռոլանդաս Պակսասին հրավիրել է Հայաստան` մասնակցելու 2015թ. ապրիլի 24-ին Հայոց ցեղասպանության 100-ամյա տարելիցին նվիրված միջոցառումներին:
- Գալուստ Սահակյանը դիպլոմներ է հանձնել Մանկավարժականի
շրջանավարտներին
Այս տարի Հայաստանի պետական մանկավարժական համալսարանի շրջանավարտների թիվը մոտ 2000 է, որից 300-ն ուսումն ավարտել է գերազանց առաջադիմությամբ: - ԱԺ-ն քննարկում է Հայ-ռուսական հումանիտար կենտրոնի ստեղծման
համաձայնագիրը
Հումանիտար կենտրոնը կտեղակայվի Կոտայքի մարզի Գետարգել համայնքում: - ՀՀ ԱԺ նախագահը կարևորել է Հայաստանի մասնակցությունը խաղաղապահ առաքելություններին
«Հայաստանը մեծապես կարեւորում է իր մասնակցությունը ՆԱՏՕ-ի կողմից ղեկավարվող խաղաղապահ առաքելություններին»,- ասել է Սահակյանը: - Ակցիզային հարկերի բարձրացում նախատեսող նախագծի երկրորդ ընթերցմամբ
քննարկումը կհետաձգվի
ՀՀ ԱԺ նախագահ Գալուստ Սահակյանը հայտնեց, որ արդեն պայմանավորվել է Կառավարության հետ, որպեսզի «Ակցիզային հարկի մասին» ՀՀ օրենքում փոփոխությունների նախագիծը երկրորդ ընթերցմամբ քննարկվի աշնանը: - ԱԺ-ն ՀՀ օրհներգի հնչյունների ներքո ավարտեց 5-րդ գումարման 7-րդ նստաշրջանի
աշխատանքը
ՀՀ ԱԺ նախագահ Գալուստ Սահակյանը շնորհակալություն հայտնեց պատգամավորներին արդյունավետ աշխատանքի համար՝ հիշեցնելով, որ հունիսի 15-ին կառավարության նախաձեռնությամբ գումարվելու է ԱԺ արտահերթ նստաշրջան: