«Ընդդեմ իրավական կամայականության» ՀԿ-ը Կարեն Պետրոսյանի գործով նամակ է ստացել ՄԻԵԴ-ից
ԵՐԵՎԱՆ, 2 ՀՈԿՏԵՄԲԵՐԻ, ԱՐՄԵՆՊՐԵՍ: «Ընդդեմ իրավական կամայականության» հասարակական կազմակերպությունը Մարդու իրավունքների եվրոպական դատարանից ստացել է նամակ Կարեն Պետրոսյանի գործով: Այս մասին «Արմենպրես»-ին հայտնեց ՀԿ նախագահ Լարիսա Ալավերդյանը: «Մենք արդեն նամակ ենք ստացել ՄԻԵԴ-ից, որի շուրջ պետք է խորհրդակցենք ու առաջիկա օրերին կտանք միասնական հաղորդագրություն այդ մասին»,-ասաց նա:
Լարիսա Ալավերդյանը նամակի բովանդակությունը չմանրամասնեց, բայց նշեց, որ դրանում չկա Կարեն Պետրոսյանի դին վերադարձնելու մասին դրական պատասխան:
2014թ. սեպտեմբերի 10-ին Ադրբեջանում գերության մեջ սպանված Կարեն Պետրոսյանի ընտանիքը ներկայացնող աշխատանքային խումբը դիմել է Մարդու իրավունքների եվրոպական դատարան (ՄԻԵԴ)` դատարանի կանոնագրքի 39-րդ կանոնի հիմքով խնդրելով ՄԻԵԴ միջամտությունը Պետրոսյանի դին անհապաղ և անվնաս վիճակում ընտանիքին վերադարձնելու նպատակով:
Սեպտեմբերի 12-ին ՄԻԵԴ-ը խնդրել է Ադրբեջանի կառավարությունից բացատրություններ ներկայացնել «Կարեն Պետրոսյանի մարմնի վերադարձման հարցի առնչությամբ Ադրբեջանի պաշտոնական դիրքորոշման և դին ընտանիքին վերադարձնելու ձգձգումների պատճառների մասին», մինչև սույն թվականի սեպտեմբերի 26-ը:
- ԲՏԱ նախարարության և «Ստարտափ Արմենիա» հիմնադրամի միջև փոխըմբռնման
հուշագիր է ստորագրվել
- ԵԱՏՄ-ից Հայաստանի դուրս գալու նախաձեռնություն չկա․ Արման Եղոյան
- Նշվել է Հայ-ռուսական համալսարանի օրը. այս տարի բուհ են ընդունվել
ռեկորդային թվով ուսանողներ
- Հայաստանն ու Հնդկաստանը փոխշահավետ ծրագրեր կարող են իրականացնել մի շարք
ոլորտներում, Արմեն Սարգսյանն ընդունել է Կիշան Դան Դևալին
- Ադրբեջանի իշխանությունները քաղաքականացնում են գերիների վերադարձը. ՀՀ
ՄԻՊ-ը՝ Կոլումբիայի համալսարանի քննարկմանը