ԱՄՆ խաղաղության կորպուսի կամավորներն այցելել են Հայոց ցեղասպանության հուշահամալիր
ԵՐԵՎԱՆ, 2 ՀՈԿՏԵՄԲԵՐԻ, ԱՐՄԵՆՊՐԵՍ: ԱՄՆ Խաղաղության կորպուսի հայաստանյան մասնաճյուղի կամավորներն այցելել են Ծիծեռնակաբերդ` Հայոց ցեղասպանության հուշահամալիր, ծաղիկներ դրել ցեղասպանության զոհերի հիշատակը հավերժացնող անմար կրակի մոտ: ԱՄՆ Խաղաղության կորպուսի կամավորները եղել են նաև Հայոց ցեղասպանության թանգարանի ժամանակավոր ցուցադրությունների սրահում, ծանոթացել Հայոց ցեղասպանության մասին պատմող ժամանակավոր ցուցադրությանը: Այս մասին «Արմենպրես»-ին հայտնեցին Հայոց ցեղսպանության թանգարան-ինստիտուտի հասարակայնության հետ կապերի բաժնից:
ՀՑԹԻ փոխտնօրեն Լուսինե Աբրահամյանը ՀՑԹԻ գիտաժողովների սրահում Հայոց ցեղասպանությունը վերապրած ծագումով Չմշկածագից Արշալույս (Ավրորա) Մարտիկանյանի և նրա կյանքի ոդիսականի պատմության մասին դասախոսություն է ներկայացրել ԱՄՆ Խաղաղության կորպուսի կամավորներին: Ներկաները հնարավորություն են ունեցել դիտելու Արշալույս Մարտիկանյանի մասին պատմող տեսաշար և «Հոշոտված Հայաստան» ֆիլմը:Այնուհետև ներկաներն իրենց հետաքրքրող հարցերն են ուղղել բանախոսին: Խաղաղության կորպուսը գործում է Հայաստանում 1992 թվականից Հայաստանի կառավարության հրավերով: Ներկայումս ավելի քան 80 կամավոր ծառայում է ՀՀ տարբեր մարզերում, որոնք իրենց գործունեությունն են ծավալում երկու ծրագրերի շուրջ՝ անգլերենը որպես օտար լեզու և համայնքի երիտասարդության զարգացում:
- Մասաչուսեթսի Ներկայացուցիչների պալատը հարգանքի տուրք է մատուցել Հայոց
ցեղասպանությունը վերապրած 109-ամյա հայ կնոջը
- Ֆրանսիայի Ազգային ժողովից պատվիրակություն կժամանի Հայաստան
- Կարևոր է միջազգային առաքելությունը, որը վստահություն կներշնչի ԼՂ
բնակիչներին. ՄԱԿ ԱԽ-ում ԱՄՆ ներկայացուցիչ
- Ստեփանակերտի հարակից տարածքներից ադրբեջանական զինուժը կրակում է
հրաձգային տարբեր զինատեսակներից
- Վերջին 15 րոպեի ընթացքում Ստեփանակերտում տասնյակ պայթյուններ են լսվել.
Բեգլարյան