Միջազգային դաշինքի ուժերը հարվածել են ԻԼԻՊ-ի՝ Այն ալ Արաբ քրդական քաղաքին մերձակա դիրքերին
ԵՐԵՎԱՆ, 1 ՀՈԿՏԵՄԲԵՐԻ, ԱՐՄԵՆՊՐԵՍ: ԱՄՆ-ի գլխավորած միջազգային դաշինքի ուժերն օդային հարվածներ են հասցրել ԻԼԻՊ-ի՝ Սիրիայի հյուսիսում գտնվող քրդական Այն ալ Արաբ կամ Կոբանի քաղաքի մերձակայքում գտնվող դիրքերին։ Ինչպես հաղորդում է «Արմենպրես»-ը՝ վկայակոչելով արաբական լրատվամիջոցները, տեղեկություններ համաձայն` նվազագույնը 5 օդային հարվածներ են հասցվել ԻԼԻՊ-ին: Քրդական ժողովրդավարական կուսակցության ղեկավար Սալիհ Մուսլիմը՝ զգուշանալով, որ ԻԼԻՊ-ը կարող է զանգվածային սպանություն սանձազերծել,Արևմուտքին կոչ է արել զենք տրամադրել իրենց:
Ավելի վաղ տեղեկություններ էին ստացվել, որ ԻԼԻՊ-ը մեկ շաբաթվա ընթացքում հսկողություն է հաստատել Այն ալ Արաբի մոտ գտնվող ավելի քան 60 գյուղերի վրա: Ավելի քան 150 հազար քրդեր ստիպված փախուստի են դիմել քաղաքից և շրջակա գյուղերից: Քաղաքը կարևոր նշանակություն ունի կազմակերպության համար, քանի որ այն գրավելու դեպքում ԻԼԻՊ-ը վերահսկողություն կհաստատի Թուրքիայի սահմանի մերձակայքում Հալեպի մարզի գրաված տարածքներից մինչև Ռակկայի մերձակայքում գտնվող Թել Աբյադ քաղաք:
Այն ալ Արաբ քաղաքը գտնվում է Դամասկոսից 532 կմ հեռավորության վրա, թուրքական սահմանի մերձակայքում:
Մեկ շաբաթվա ընթացքում ԱՄՆ-ի գլխավորած միջազգային դաշինքի ուժերը Սիրիայի տարբեր հատվածներում ոչնչացրել են ԻԼԻՊ կազմակերպության 211 ահաբեկիչների: Օդային հարվածների զոհ են դարձել 22 անմեղ քաղաքացիներ:
- Հայաստանի տարածքային ամբողջականությունը ոչ ոք չի վիճարկում․ Վաղարշակ
Հակոբյան
- Ադրբեջանի ԶՈՒ ստորաբաժանումները շարունակում են կրակը Կութում և Սոթքում տեղակայված հայկական դիրքերի ուղղությամբ
- Ադրբեջանի և Սերբիայի նախագահները մի շարք համատեղ փաստաթղթեր են
ստորագրել
- ՀՀ ԱԳ նախարարը Ֆրանսիայի պաշտոնակցին երախտագիտություն է հայտնել Բաքվի
ագրեսիայի առնչությամբ Փարիզի դիրքորոշման համար
- Նման հանդիպման մասին տեղեկատվություն այս պահին առկա չէ. ԱԳՆ-ն արձագանքել
է Ալիևի հայտարարությանը