ԵՐԵՎԱՆ, 22 ՍԵՊՏԵՄԲԵՐԻ, ԱՐՄԵՆՊՐԵՍ: The Times-ը հաղորդել է, որ առաջիկա երեք տարվա ընթացքում ֆարսի լեզվով նոր թարգմանությամբ 300 հազար օրինակ Աստվածաշունչ են գաղտնի կերպով փոխադրելու Իրան: Այդ մասին Աստվածաշնչի  թարգմանության հրատարակիչները հայտարարել են Լոնդոնում գրքի շնորհանդեսի ժամանակ, տեղեկացնում է «Արմենպրես»-ը:

Իրանի հոգեւորականությունը Է դեմ Աստվածաշնչի տարածմանը եւ հետապնդում է նրանց, ովքեր դա անում են: Երկիր Աստվածաշնչի մի քանի պատճենի ներկրման համար բանտային պատիժ Է սպառնում:

Միեւնույն ժամանակ այդ երկրում աշխատող քրիստոնեական միսիոներական խմբերը հայտարարում են, որ Իրանի քրիստոնյա հանրությունը ամենաարագ աճողն Է աշխարհում: Միսիոներների տվյալներով՝ ներկայում այն ներառում Է շուրջ 400 հազար մարդ եւ տարեկան ավելանում Է 20 տոկոսով: