Գաս Բիլիրակիսը նշանակվել է ԱՄՆ Կոնգրեսի Հայաստանի աջակցության խմբի փոխնախագահ
ԵՐԵՎԱՆ, 18 ՍԵՊՏԵՄԲԵՐԻ, ԱՐՄԵՆՊՐԵՍ: Հայ դատի ԱՄՆ հանձնախումբը ողջունել է կոնգրեսական Գաս Բիլիրակիսի նշանակումը ԱՄՆ Կոնգրեսի Հայաստանի աջակցության խմբի փոխնախագահի պաշտոնում: Ինչպես «Արմենպրես»-ին հաղորդեցին Հայ դատի հանձնախմբից, Ֆլորիդա նահանգից ընտրված կոնգրեսական Բիլիրակիսը հունական և հայկական հարցերի վաղեմի ջատագովն է: «Ես միշտ հիացել եմ ամերիկահայերի սրամտությամբ, ձեռնարկատիրական ոգով և աշխատանքային էթիկայով, և շոյված եմ ծառայելու որպես Կոնգրեսի Հայաստանին աջակցող խմբի փոխնախագահ: Ես ինձ համարում եմ հայ ժողովրդի վաղեմի բարեկամը և Հայոց ցեղասպանության ճանաչման ջատագովը»,- ասել է կոնգրեսականը` հավելելով, որ անհամբերությամբ սպասում է Կոնգրեսի գործընկերների հետ համատեղ աշխատանքին` ուղղված ԱՄՆ-Հայաստան հարաբերությունների զարգացմանը:
Բիլիրակիսը նաև խոստացել է աշխատանքներ տանել` խթանելու Հայաստանի հարաբերությունները Հունաստանի, Կիպրոսի և Իսրայելի հետ, որը կնպաստի Արևելյան Միջերկրածովյան տարածաշրջանի էներգետիկ անկախության և աշխարհաքաղաքական անվտանգության մեծացմանը:
- Մասաչուսեթսի Ներկայացուցիչների պալատը հարգանքի տուրք է մատուցել Հայոց
ցեղասպանությունը վերապրած 109-ամյա հայ կնոջը
- Ֆրանսիայի Ազգային ժողովից պատվիրակություն կժամանի Հայաստան
- Կարևոր է միջազգային առաքելությունը, որը վստահություն կներշնչի ԼՂ
բնակիչներին. ՄԱԿ ԱԽ-ում ԱՄՆ ներկայացուցիչ
- Ստեփանակերտի հարակից տարածքներից ադրբեջանական զինուժը կրակում է
հրաձգային տարբեր զինատեսակներից
- Վերջին 15 րոպեի ընթացքում Ստեփանակերտում տասնյակ պայթյուններ են լսվել.
Բեգլարյան