Արցախցի հրամանատարի 12-ամյա որդին օրվա մեծ մասը բանակի կողքին է
ԵՐԵՎԱՆ, 3 ՍԵՊՏԵՄԲԵՐԻ, ԱՐՄԵՆՊՐԵՍ: Հայոց բանակի կես տարիքն ունեցող Մարզպետ Ամիրխանյանն իր առօրյայի մեծ մասն անցկացնում է հրամանատար հայրիկի և Արցախի սահմաններն անառիկ պահող զինվորների կողքին: Մարզպետը Արցախի հյուսիսարևելյան ուղղությամբ տեղեկայված զորամասերից մեկի հրամանատար, գնդապետ Հարություն Ամիրխանյանի որդին է:
Մարզպետը զինվոր-ընկերների հետ զրուցում է, երբեմն խաղում իր սիրելի խաղը` ֆուտբոլ: «Որ մի բանից նեղվեք, զանգեք պապայիս»,-խորհուրդ է տալիս 12-ամյա փոքրիկն իրենից ավագներին:
Երազում է ֆուտբոլիստ դառնալ, իսկ սիրելի խաղացողն էլ Լեոնել Մեսսին է: «Որ մեծանաս, հայրիկիդ նման հրամանատա՞ր ես դառնալու». հաճախ հնչող հարցին պատասխանում է` «դեռ փոքր եմ»:
«Արմենպրես»-ի հետ զրույցում Մարզպետն անկեղծացավ ու նշեց, որ դժվար է միշտ մի վայրից մյուսը տեղափոխվել, քանի որ հեռանում է ընկերներից, բայց նաև ասաց, որ նոր ընկերներ էլ ունի, ամենամոտն էլ Արտյոմն է: Մարզպետը երկու քույր ունի, մեկն իրենից մեծ է, մյուսը` փոքր:
- ԲՏԱ նախարարության և «Ստարտափ Արմենիա» հիմնադրամի միջև փոխըմբռնման
հուշագիր է ստորագրվել
- ԵԱՏՄ-ից Հայաստանի դուրս գալու նախաձեռնություն չկա․ Արման Եղոյան
- Նշվել է Հայ-ռուսական համալսարանի օրը. այս տարի բուհ են ընդունվել
ռեկորդային թվով ուսանողներ
- Հայաստանն ու Հնդկաստանը փոխշահավետ ծրագրեր կարող են իրականացնել մի շարք
ոլորտներում, Արմեն Սարգսյանն ընդունել է Կիշան Դան Դևալին
- Ադրբեջանի իշխանությունները քաղաքականացնում են գերիների վերադարձը. ՀՀ
ՄԻՊ-ը՝ Կոլումբիայի համալսարանի քննարկմանը