Թուրքիայի նոր արտգործնախարարը հանդես է եկել իր առաջին հակահայկական հայտարարությամբ

Armenpress 11:30, 1 Սեպտեմբեր, 2014

ԵՐԵՎԱՆ, 1 ՍԵՊՏԵՄԲԵՐԻ, ԱՐՄԵՆՊՐԵՍ: Թուրքիայի արտաքին գործերի նորանշանակ նախարար Մևլութ Չավուշօղլուն նոր պաշտոնին անցնելուց անմիջապես հետո հանդես է եկել հակահայկական իր առաջին հայտարարությամբ: Ինչպես հաղորդում է «Արմենպրես»-ը, ադրբեջանական «ԱՊԱ» գործակալության հետ զրույցում Չավուշօղլուն հայտնել է Հայոց ցեղասպանության միջազգային ճանաչման դեմ պայքար մղելու իր որոշման մասին:

Լրագողի այն հարցին ի պատասխան, թե ինչ է անելու Թուրքիայի նոր արտգործնախարարը Հայոց ցեղասպանության հարյուրերորդ տարելիցին ընդառաջ, Չավուշօղլուն ասել է. «Թուրքիան և Ադրբեջանը միասին են պայքարելու Հայոց ցեղասպանության դեմ»: Նա հավելել է նաև, որ ցակացած հարցում պատրաստ է միավորել ջանքերն ադրբեջանական կողմի հետ և ներդնել այնքան ջանքեր, որքան կաներ Ադրբեջանի արտգործնախարարը:



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am