Կարլսենը կարող Է Սոչիում չխաղալ Անանդի հետ
ԵՐԵՎԱՆ, 27 ՕԳՈՍՏՈՍԻ, ԱՐՄԵՆՊՐԵՍ: Շախմատի աշխարհի գործող չեմպիոն, նորվեգացի Մագնուս Կարլսենը կարող Է հրաժարվել Սոչիում նախատեսված` հնդիկ Վիշվանաթան Անանդի հետ աշխարհի չեմպիոնի տիտղոսի համար մրցամարտին մասնակցելուց:
Ինչպես տեղեկացնում Է «Արմենպրես»-ը, վկայակոչելով «Կոմերսանտ» հանդեսը, մրցամարտի կազմակերպիչներին հղած նամակում Կարլսենի մենեջեր Էգդեն Ագդեսթեյնը նշել Է, որ շախմատիստը վերջերս հաճախ Է խաղացել միջազգային մրցումներում եւ ժամանակ չունի նախապատրաստվելու Անանդի հետ մրցամարտին: Ըստ Կարլսենի` այն ցանկալի Է տեղափոխել ավելի ուշ ժամկետի:
Այս հարցով Կարլսենի ներկայացուցիչները արդեն դիմել են նաեւ շախմատի միջազգային ֆեդերացիա՝ ՖԻԴԵ, որի նախագահ Կիրսան Իլյումժինովը մերժել Է այդ խնդրանքը` նշելով, որ աշխարհի չեմպիոնի համար մրցամարտը արդեն ծրագրված Է շախմատի միջազգային ֆեդերացիայի օրացույցում:
Նշվում Է նաեւ, որ Կարլսենը կարող Է հրաժարվել այս մրցամարտին մասնակցելուց քաղաքական պատճառներով՝ նրան ձեռնտու չԷ խաղալ Ռուսաստանում, որի փոխհարաբերությունները արեւմտյան երկրների հետ բավականին լարված են: