Չորրորդ տուրից հետո «Սեւանա լիճ 2014» շախմատի միջազգային մրցաշարի աղյուսակը գլխավորեց Սանան Սյուգիրովը
ԳԱՎԱՌ, 30 ՀՈՒԼԻՍԻ, ԱՐՄԵՆՊՐԵՍ: Գեղարքունիքի մարզի Մարտունի քաղաքում այսօր ավարտվեց շախմատի միջազգային 16-րդ կարգի մրցաշարի չորրորդ տուրը, որից հետո մրցաշարային աղյուսակը գլխավորեց ՌԴ ներկայացուցիչ Սանան Սյուգիրովը:
Ինչպես «Արմենպրես»-ին ներկայացրեց մրցաշարի գլխավոր մրցավար, միջազգային կարգի մրցավար Արմեն Նիկողոսյանը, չորրորդ տուրում Սյուգիրովը հաղթել է Գաբուզյանին, Սանտոշը` Արեշչենկոյին, Կուզուբովը` Սամվել-Տեր Սահակյանին, իսկ Զավեն Անդրիասյան-Ֆեդոսեեւ եւ Հրանտ Մելքումյան-Ռոբերտ Հովհաննիսյան հանդիպումներն ավարտվել են խաղաղ ելքով: Վաղը հետկեսօրին կսկսվեն հինգերորդ տուրի հանդիպումները:
Խոսրով Խլղաթյան
Կարծիքներ
Հարցազրույցներ
Փաստ մեկնաբանությամբ