Իջևանում ոգեկոչել են Ցեղասպանության զոհերի հիշատակը
ԵՐԵՎԱՆ, 24 ԱՊՐԻԼԻ, ԱՐՄԵՆՊՐԵՍ: Տավուշի մարզկենտրոն Իջևանում Մեծ եղեռնի զոհերի հիշատակի ոգեկոչման միջոցառումների շարքն սկսվել է ապրիլի 24-ի առավոտյան մեկնարկած երթով: Ինչպես «Արմենպրես»-ին տեղեկացրին Տավուշի մարզպետարանի լրատվության վարչությունից, վաղ առավոտից քաղաքի Սահմանադրության հրապարակից մարդկանց հոսքն ուղղվել է դեպի Ցեղասպանության զոհերի հիշատակը հավերժացնող հուշահամալիր:
Երթին մարզպետ Արմեն Ղուլարյանի գլխավորությամբ մասնակցել են մարզպետարանի աշխատակազմի, պետական մարմինների, հոգևոր դասի ներկայացուցիչներ, ուսանողներ ու դպրոցականներ: 1915 թվականին նահատակված ավելի քան մեկուկես միլիոն անմեղ զոհերի հիշատակին նվիրված հուշարձանի մոտ Տավուշի թեմի առաջնորդ Տեր Եզնիկ արքեպիսկոպոս Պետրոսյանի հանդիսապետությամբ կատարվել է հոգեհանգստյան կարգ:
Մեծ եղեռնի 99-րդ տարելիցին նվիրված միջոցառումներ են տեղի ունենում նաև մարզի մյուս քաղաքներում ու գյուղական համայնքներում:
- Մասաչուսեթսի Ներկայացուցիչների պալատը հարգանքի տուրք է մատուցել Հայոց
ցեղասպանությունը վերապրած 109-ամյա հայ կնոջը
- Ֆրանսիայի Ազգային ժողովից պատվիրակություն կժամանի Հայաստան
- Կարևոր է միջազգային առաքելությունը, որը վստահություն կներշնչի ԼՂ
բնակիչներին. ՄԱԿ ԱԽ-ում ԱՄՆ ներկայացուցիչ
- Ստեփանակերտի հարակից տարածքներից ադրբեջանական զինուժը կրակում է
հրաձգային տարբեր զինատեսակներից
- Վերջին 15 րոպեի ընթացքում Ստեփանակերտում տասնյակ պայթյուններ են լսվել.
Բեգլարյան