ՖԻՖԱ-ն ժամանակավորապես հանել Է «Բարսելոնա»-ի նկատմամբ տրանսֆերային արգելքը
ԵՐԵՎԱՆ, 23 ԱՊՐԻԼԻ, ԱՐՄԵՆՊՐԵՍ: Ֆուտբոլի միջազգային ֆեդերացիան (ՖԻՖԱ) ժամանակավորապես թույլատրել Է իսպանական «Բարսելոնա» ակումբին ֆուտբոլիստների տրանսֆերներ կատարել: Ինչպես տեղեկացնում Է «Արմենպրես»-ը, վկայակոչելով gazeta.ru կայքը, ՖԻՖԱ-ն մինչ այդ արգելել Էր «Բարսելոնա»-ին մասնակցել մոտակա տրանսֆերներին` ակումբի կողմից մինչեւ 18-տարեկան ֆուտբոլիստների հետ կնքած պայմանագրերում խախտումներ հայտնաբերելուց հետո:
ՖԻՖԱ-ն նաեւ տուգանել Էր «Բարսելոնա»-ին դրա համար: Բայց այն բանից հետո, երբ իսպանական ակումբը բողոքարկեց ՖԻՖԱ-ի որոշումը, վերջինս ժամանակավորապես թույլատրեց «Բարսելոնա»-ին ֆուտբոլիստների հետ կապված գործարքներ կատարել՝ մինչեւ այս գործի վերջնական դատական որոշման հրապարակումը: