Կալիֆորնիայի Նահանգային ժողովը և Սենատը ոգեկոչել են Հայոց ցեղասպանության 99-րդ տարելիցը
ԵՐԵՎԱՆ, 23 ԱՊՐԻԼԻ, ԱՐՄԵՆՊՐԵՍ: Կալիֆորնիայի Նահանգային ժողովը և Սենատը ոգեկոչել են Հայոց ցեղասպանության 99-րդ տարելիցը` Հայոց ցեղասպանությունը ճանաչման մասին առանձին բանաձևեր ընդունելով ապրիլին 7-ին: «Արմենպրես»-ի փոխանցմամբ` այս մասին հայտնում է ամերիկյան Turlock Journal պարբերականը: «99 տարի առաջ 1.5 միլիոն տղամարդիկ, կանայք և երեխաներ կոտորվեցին Օսմանյան կայսրության ձեռքերով: Կալիֆորնիային բախտ է վիճակվել տուն դառնալու հայկական ծագում ունեցող շատ մարդկանց համար, նորանցից է նախկին նահանգապետ Գևորգ Դուքմեջյանը: Իրականում, Ֆրեզնո քաղաքում` իմ ընտրական շրջանում է գտնվում ամբողջ Միացյալ Նահանգների ամենամեծ հայկական համայնքը: Հայերի հանդեպ իրականացված ցեղասպանությունն ամեն օր հիշվում և վերակենդադանում է իմ ընտրողների կողմից: Նրանք սգում են սպանվածների և մինչ օրս ճնշվածներին համար… որպես ազգ` մենք պետք է հիշենք, որ այն, ինչ սխալ էր 99 տարի առաջ, սխալ է նաև այսօր»,- Սենատի դահլիճում կազմակերպված ոգեկոչման արարողությանը նշել է սենատոր Թոմ Բերիհիլը:
Ամերիկացի օրենսդիրների հետ արարողությանը մասնակցել են նաև հայկական եկեղեցու հոգևորականությունը, հայ համայնքի անդամները:
- Մասաչուսեթսի Ներկայացուցիչների պալատը հարգանքի տուրք է մատուցել Հայոց
ցեղասպանությունը վերապրած 109-ամյա հայ կնոջը
- Ֆրանսիայի Ազգային ժողովից պատվիրակություն կժամանի Հայաստան
- Կարևոր է միջազգային առաքելությունը, որը վստահություն կներշնչի ԼՂ
բնակիչներին. ՄԱԿ ԱԽ-ում ԱՄՆ ներկայացուցիչ
- Ստեփանակերտի հարակից տարածքներից ադրբեջանական զինուժը կրակում է
հրաձգային տարբեր զինատեսակներից
- Վերջին 15 րոպեի ընթացքում Ստեփանակերտում տասնյակ պայթյուններ են լսվել.
Բեգլարյան