ԵՐԵՎԱՆ, 20 ԱՊՐԻԼԻ, ԱՐՄԵՊՐԵՍ: Սիրիայի նախագահ Բաշար ալ Ասադն այցելել է վերջերս ամբողջովին զինյալներից ազատագրված եւ սիրիական բանակի վերահսկողության տակ առնված քրիստոնեական Մաալուլա քաղաքը և պաշտոնապես շնորհավորել Սիրիայի քրիստոնյաների Սուրբ Հարության տոնը: Ինչպես «Արմենպրես»-ին տեղեկացրին Հալեպի «Գանձասար» շաբաթաթերթի խմբագրությունից, նախագահ Ասադը մաղթել է, որ սերն ու խաղաղությունը նորից թևածեն Սիրիայում: «Ծայրահեղ ահաբեկիչներից ոչ ոք չի կարող ջնջել Սիրիայի մարդկային ու մշակութային քաղաքակրթության պատմությունը»,-ասել է Ասադը և, այցելելով Սուրբ Սարգիս, Մար Թագլա և այլ մատուռներ, ականատեսը եղել ահաբեկիչների գործած սրբապղծություններին:

Ապրիլի 20-ին քրիստոնյա աշխարհը նշում է Հիսուս Քրիստոսի հրաշափառ հարության տոնը: