ԵՐԵՎԱՆ, 17 ԱՊՐԻԼԻ, ԱՐՄԵՆՊՐԵՍ: ԼՂՀ ՊՆ, ՊԲ հրամանատար, գեներալ-լեյտենանտ Մովսես Հակոբյանն ապրիլի 16-ին ընդունել է «Զինվոր» հասարակական կազմակերպությունների համագործակցությունը համակարգող խորհրդի անդամներին: Ինչպես «Արմենպրես»-ին տեղեկացրին ԼՂՀ պաշտպանության նախարարության մամուլի ծառայությունից, բանակի հրամանատարը, ողջունելով խորհրդի երկարամյա գործունեությունը, կարևորել է այն ինչպես անձնակազմի բարոյահոգեբանական վիճակի բարելավման, այնպես էլ հանրային ընկալման մեջ բանակի հանդեպ դրական վերաբերմունքի ձևավորման առումով:

Հասարակական խորհրդի անդամներն էլ կիսվել են իրենց տպավորություններով՝ նշելով զորամասերում նկատվող դրական զարգացումները և անձնակազմի սոցիալ-կենցաղային պայմանների բարելավման ուղղությամբ իրականացված աշխատանքները: