Ֆլորա Մարտիրոսյանի աճյունը կտեղափոխվի Հայաստան դեկտեմբերի 10-ին
ԵՐԵՎԱՆ, 3 ԴԵԿՏԵՄԲԵՐԻ, ԱՐՄԵՆՊՐԵՍ: Կայացել է Հայաստանի Հանրապետության ժողովրդական արտիստ Ֆլորա Մարտիրոսյանի թաղման կառավարական հանձնաժողովի նիստը: Այս մասին «Արմենպրես»-ին տեղեկացրին ՀՀ մշակույթի նախարարության հասարակայնության հետ կապերի բաժնից: Նիստին քննարկվել են ԱՄՆ-ից երգչուհու աճյունը Հայաստան տեղափոխելու եւ հուղարկավորման հետ կապված կազմակերպչական հարցեր: ԱՄՆ-ից Ֆլորա Մարտիրոսյանի հարազատների նախնական տեղեկացմամբ՝ դեկտեմբերի 6-ին օրը Լոս Անջելեսում կկատարվի հոգեհանգստի արարողություն: Դեկտեմբերի 10-ին աճյունը կտեղափոխվի Հայաստան: Սիրված երգչուհուն վերջին հրաժեշտի արարողությունը կկայանա դեկտեմբերի 11-ին` Արամ Խաչատրյան համերգասրահում: Հուղարկավորությունը նույն օրը՝ Երևանի քաղաքային պանթեոնում: Լրացուցիչ մանրամասներ կհաղորդվեն ավելի ուշ` ԱՄՆ-ից ճշգրտված տեղեկությունների հիման վրա: Մեծանուն երգչուհու դին Հայաստան տեղափոխման, հուղարկավորության բոլոր ծախսերը կհոգա ՀՀ կառավարությունը: Առաջիկայում տեղի կունենա հանձնաժողովի նիստ, որի ընթացքում կհստակեցվեն անհրաժեշտ բոլոր մանրամասները` երբ կտեղափոխվի, որտեղ եւ երբ կամփոփվի աճյունը:
ՀՀ ժողովրդական արտիստուհի Ֆլորա Մարտիրոսյանը մահացել է նոյեմբերի 20-ին Միացյալ Նահանգներում: Մահվան պատճառը լեղապարկի վիրահատությունից հետո առաջացած բարդություններն են: Ֆլորա Մարտիրոսյանը Կոմիտասի անվան միջազգային երաժշտական դպրոցի հիմնադիրն է, «Artists for Peace» բարեգործական կազմակերպության հիմնադիրը, «Never Again» մշակութային շարժման նախաձեռնողը: Երգչուհին ծնվել է 1957թ. փետրվարի 5-ին Գյումրիում:
- Ֆլորա Մարտիրոսյանի մարմարե կիսանդրին կարտահայտի նրա ողջ հմայքը
Արձանը հեղինակել է քանդակագործ Լեւոն Թոքմաջյանը: - Ֆլորա Մարտիրոսյանին վերջին հրաժեշտը եւ հուղարկավորությունը
կկայանան միեւնույն օրը`դեկտեմբերի 11-ին
Հուղարկավորությունը կկայանա Երեւանի քաղաքային պանթեոնում: - Ֆլորա Մարտիրոսյանի դին Հայաստան տեղափոխելու օրը դեռ հայտնի չէ
Ամենայն հավանականությամբ, այսօրվա ընթացքում կլինի ՀՀ վարչապետի որոշումը` Թաղման կառավարական հանձնաժողով ստեղծելու կապակցությամբ, որն էլ կորոշի հոգեհանգստի եւ հուղարկավորության հետ կապված բոլոր հարցերը: - Ֆլորա Մարտիրոսյանի բարեկամները տեղեկացրել են, որ նրան
կհուղարկավորեն Հայաստանում
ՀՀ մշակույթի նախարարությունը սպասում է սիրված երգչուհու ընտանիքի անդամների` ամուսնու եւ երեխաների որոշմանը: - Ֆլորա Մարտիրոսյանի հուղարկավորության վայրի հարցով կառավարությունը
սպասում է ընտանիքի որոշմանը
Անհրաժեշտ փաստաթղթերի ձեւակերպման եւ գործընթացն արագ կազմակերպելու ուղղությամբ աշխատանքներ են տարվում ԱՄՆ-ում Հայաստանի հյուպատոսի կողմից: