Հալեպի հայաշատ Նոր գյուղում տասնյակ զինյալներ են սպանվել
ԵՐԵՎԱՆ, 13 ՍԵՊՏԵՄԲԵՐԻ, ԱՐՄԵՆՊՐԵՍ: Սիրիայի զինված ուժերը Հալեպի Նոր Գյուղ (Միդան) թաղամասի մի քանի տարածքներ արդեն սկսել են մաքրել զինյալներից: Բախումների հետեւանքով տասնյակ զինյալներ են զոհվել, այդ թվում` լիբիացի դիպուկահարներ, առգրավվել են նրանց զենքերը:
Սիրիական ՍԱՆԱ գործակալությունը տեղեկացնում է, որ զինված ուժերը Հալեպի Քաֆր Համրա ճանապարհին ոչնչացրել են զինյալների երեք մեքենաները: Տասնյակ զինյալներ են սպանվել Բուսթան բաշա թաղամասում եւ Թելեֆոն Հաուայեի շրջանում:
Հալեպահայերի ֆեյսբուքյան էջից «Արմենպրես»-ը տեղեկացավ, որ հայաշատ թաղամասի որոշ շրջաններում կառավարական տանկեր են տեղակայվել:
Ավելի վաղ Հալեպի առաջորդարանի մամլո խոսնակ Ժիրայր Ռեիսյանը տեղեկացրել էր, որ կառավարական ուժերը եւ ընդդիմադիրները լուրջ մարտերի են պատրաստվում:
Սիրիայում ավելի քան 18 ամիս շարունակվող բախումների հետեւանքով զոհվել է 20 հազարից ավելի մարդ, այդ թվում` երկու տասնյակից ավելի սիրիահայեր:
- ԱՄՆ կոնգրեսականները ՄՔԴ-ին սպառնում են պատասխան միջոցներով Իսրայելի
նկատմամբ հետաքննության պատճառով. Axios
- Հայաստանի տարածքային ամբողջականությունը ոչ ոք չի վիճարկում․ Վաղարշակ
Հակոբյան
- Ադրբեջանի ԶՈՒ ստորաբաժանումները շարունակում են կրակը Կութում և Սոթքում տեղակայված հայկական դիրքերի ուղղությամբ
- Ադրբեջանի և Սերբիայի նախագահները մի շարք համատեղ փաստաթղթեր են
ստորագրել
- ՀՀ ԱԳ նախարարը Ֆրանսիայի պաշտոնակցին երախտագիտություն է հայտնել Բաքվի
ագրեսիայի առնչությամբ Փարիզի դիրքորոշման համար